Covalima-RCCT- Diretor Interino Alfandega Posto integrado Salele Municipio Covalima, Nunu Nuguera afirma bazeia ba Deklretu Lei anfadega nian, Lei No14/2017, no mos Dekretu presidensial No 55/2020, 5 de Agusto kona ba Estadu Emerjensia. Nebe regula Negosiante husi Indonesia nebe aktividade negosio importasaun sasan mai Timor Leste labele lori sasan tama liu to area Timor Leste ninian maibe kareta nebe tula sasan bele tama liu mai area timor leste. Hateten Nunu Nuguera ba RCCT Quinta (30-09-20)
“Ita aplika ona regras katak ema sira nebe halo transaksaun ba sasan ne’e labele tama liu mai area Timor Leste nian, Sira nia kareta nebe tula sasan ne’e bele tama liu mai area timor leste nian maibe ema sira mai to deit area postu Integradu ninian, Kareta sira ne’e tama mai to’o deit Ponte leten depois Pesoal saude sira halo tia desinfektan mak ita nia sofer sira husi ne’e bele ba lori tama liu mai”Dehan Diretor Interino Alfandega Covalima Nunu Nuguera ba RCCT iha nia Knar fatin Fronteira Postu Integradu Salele Quarta (30-09-20)
Xefe Alfandega ne’e haktuir, Timor Leste Implementa ona Broker system atu hodi halo dokumetansaun ba sasan sira nebe tama mai Timor Leste maibe, Alfandegas mos sei nafatin iha kompetesia hodi halo kontrulu ba sasan hirak ne’e bazeia ba dekretu lei nebe iha ona.
“Sasan hirak tama mai ne’e nafatin iha kontrulu hosi Alfandega ninian nune’e bele halo verifikasuan, ida ne’e bazeia ba dekretu Lei No14/2017 nebe hateten, alfandega mak iha kompetesia ba sasan no meus transporte, ne’e signifika sasan sira nebe tama timor leste iha alfandega nia kontrolu, maibe ita mos impleta ona Broker Sistem atu hodi halo dokumentasaun ba sasn sira nebe importa mai iha nia Nasaun”
Xefe Alfandega Covalima ne’e haktenik iha aktividade importasaun sasan nebe hala’o iha fronteira salele ne’e hetan autorizasaun Governu no mos direjenti sira iha Nivel Nasional, nia hatutan iha aktividade ne’e mos parte husi Ministerio Saude liu husi Pesoal Saude sira iha Covalima nebe desloka iha Fronteira Salele sei nafatin hamrik iha linha oin hodi halo asaun preventiva ba Covid-19. Diretor Interino Alfadega Covalima Nunu Nuguera Hakotu.
Jornalista :Janu Barros
Editor :Chamot Nahac
