Qurta Feira horsehik (12-08-20) Administrador Municipio Covalima hamotuk ho CVTL halo vizita kortezia iha Suco Beco Aldeia Tudulpo hodi halo dialogo ho komunidade nune’e bele rona direita preokupasaun nebe komunidade sira infrenta durante ne’e.
Preokupasaun nebe Administrador rona maka, komunidade husu atu Ministerio Edukasaun atu reativa fali eskola Filial iha tudulpo tanba durante ne’e komunidade nia oan ba eskola iha eskola Basiku Central Gala nebe distansia dook no la’o liu deit husi ai-laran tuan, Aleinde ne’e mos komunidade Aldeia Tudulpo husu ba Lider Maximu Municipal ne’e atu hato’o sira nia preokupasaun ba Ministerio Obras Publiku hodi bele hadi’a Estrada nebe liga Kapital Suco Beco ba Tudulpo to’o Aldeia Tobor’
Hatan ba Preokupasaun ne’e Administrador Afonso Nugueira Nahak sei hato’o ba Ministerio relevantes atu bele hare ba kestaun ida ne’e.
“Ha’u sei hato’o preokupasaun sira ne’e ba ministerio edukasuan no obras publiku atu bele trata asuntu nebe ohin komunidade sira hato’o ona mai”Nia hakotu.
Jornalista :Jhony
Editor :Chamot Nahac
