Covalima (RCCT)-16-02-21- Vetranus, Juvendetude, komunidade no Familia Matebian Santiago Bareto (Tatometa) iha postu Zumalai husu ba PNTL no orgaun Judisiariu sira hanesan Ministerio Publiku (MP) atu labele husik ema kriminozu Lao livre no domina iha rai ida ne’e liliu iha Covalima, Postu Administativu Zumalai relasiona ho hahalok Asasinadu husi ema deskonhesido na’in 12 nebe halakon Saudozu Administrador Postu Administrativu Zumalai, Santiago Barreto (Tatometa) nia vida, iha tinan rua liu ba (2019).
Relasiona ho kazu asasinadu hasoru Saudozu Tatometa, nebe mak to’o agora familia matebian no veteranus inklui komunidade iha Zumalai kosidera seidauk iha prosesu justisa, nebe PNTL no Orgaun Judisiariu sira sei husik livre autor sira, mak familia matebian no veteranus inklui komunidade iha Zumalai, ijiji ba PNTL no Ministerio Publiku atu bele aselere prosesu kona ba Kazu asaidadu ne’e.
Ba Jornalista Reprezentante Veteranus iha Postu Zumalai Joaquim Barros Alias Sikat dehan, labele husik ema kriminizu sira livre no domina iha rai ida ne’e, no husu ba ministeriu publiku atu imediatamente hasai mandadu kapturasaun nune’e PNTL bele kaptura autor ba kazu asasinadu hasoru saudozu Tatometa, nebe oras ne’e sei livre hodi ba submete iha prosesu tuir lei nebe Vigor.ei
“Nudar membru Estrutura Rejistensia Postu Zumalai Ninian, ejiji liu-liu ba Ministeriu Publiku atu bele hala’o prosesa ne’e ho urjenti tanba, kazu ne’e durante tinan rua ona la iha ninia rejultadu, tamba ne’e ,hanesan ema rejistensia ida nafatin defende familian vitima, inan faluk ho oan ki’ak sira atu bele hetan rezuladu nebe maka adekuadu, Segundu ha’u hakarak hatete deit lakoi grupu kriminozu domina iha ita nia rai laran” dehan Veteranus Joaquim Barros alias Sikat let, Sabado (13-02-21), wainhira partisipa iha KOnfrensia Imprensa nebe halo iha Rezidensia Saudozu Tatometa nian iha Suco Lour, Postu Administrativu Zumalai.
Iha fatin hanesan Oan Feto bo’ot husi Saudosu Santiago Barreto (Tatometa) Felisiana de Jesus Barreto senti tristi ho prosesu ba kazu asasinadu hasoru nia aman Tatometa, tanba tinan 2 ona maibe PNTL seidauk deskobre lolos autor ba kazu ne’e. ho nune, Felisiana husu ba PNTL no Ministerio Publiku tenke Justifika Klean ba Evidensian nebe intrega ona ba polisia.
“Nudar oan sinti triste tebes tanba kaju katuas matebian nian to’o ona tinan rua maibe seidauk iha rejultadu, ami husu ba parte Polisia no mos ba parte Justisa sira tenki justifika klean liu konaba saudozu matebian Santiago Barreto nia mate isin, uluk, iha 2019 sira foti ona ema hamutuk na’in 12 na realidade sira husik fali ate agora ema nebe mak deskonfia ne’e ate agora sei livre hela iha populasaun sira nia let” dehan Felisiana
Hatan Ba Kestaun Ne’e Komandante PNTL Covalima Super Intendente Antonio Maria de Sa Hateten Polisa Halo Ona Nniia Misaun Konaba Kazu Omesidu Publiku Ne’e Hodi Intrega Ona Evidensia no Deklarasaun iha Investigasaun husi Sasin no Deskomfia Suspeitu Hotu ba ona Ministerio Publiku.
“Polisia halo ona nia visaun liga ba kaju honesidu hasoru ita nia Administrador PostoZumalain nian, kazu ne’e akontese ho natureza krime publiku fora de fragrante de lito tan ne’e Polisia labele Kaptura autor sira sem mandatu de kapturasaun husi Ministeriu Publiku ( MP ).
Komandante Polisia iha Municipio Covalima Super Intendente Antonio Maria de Sa mos Esplika, durante PNTL Covalima halo ona nia knar hodi rekolha informsaun husi sasin sira no halo investigasaun ba autor nain 12, tan ne’e evidensia no rezultadu investigasaun ne’e PNTL intrega ona ba MP.
“prosesu tomak ita halo ona, hau mos esplika bebeik ona ba familia sira katak Polisia halo ona missaun, halo ona investigasaun, rekolha ona informasaun husi sasin sira no mos autor sira, antau ita haruka ona evidensia sira hanesan telefone sira ne’e ba Ministeriu Publiku” Katak Komandante PNTL Covalima Antonio Maria de Sá. Iha nia knar fatin tersa Feira (16-02-21)
Entertanto Super-Intendente Polisia Antonio Maria de Sa hateten Polisia seidauk kaptura suspeitu sira tanba sei hein karta mandadu de kapturasaun husi Ministeriu Publiku.
Jornalista : Saturnino Soares & Elio dos Santos
Edito : Chamot Nahac
