Covalima (RCCT) 01-02-25 Liu husi Komunikadu Imprensa Veteranu no Kombatente iha Munisipiu Covalima lekar sain hahalok esplorasaun ne’ebé Francisco Doutel Sarmento “Lamesak” halo hasoru sira durante verifikasaun ba lista veteranu segundu rejistu 2009.
Durante Konfrensia Imprensa Portavós Agustinha do Carmo “Bui Ki’ak Tekite” ema sira ne’ebé hola parte mos ba luta libertasaun nasional, ho tulun husi sasin no responsavel luta sira, hakat ba komisaun verifikasaun dadus hodi tuir prosesu verifikasaun ba veteranu, iha munisipiu ida-idak, maibe iha prosesu ne’e, Francisco Doutel Sarmento “Lamesak” ho pozisaun hanesan Komisariu Kombatente Libertasaun Nasional Munisipiu Covalima halo esplorasaun hasoru sira, hamotuk ema na’in 14
“Kondena aktu esplorasaun hasoru veteran/a no kombatente iha Munisipiu Covalima ami ne’ebé naran temi iha k’raik hola parte mos iha luta libertasaun Nasional ho tulun husi sasin no responsavel luta sira ami hakat ba komisaun Verifikasaun dadus hodi tuir prosesu verifikasaun ba veteranu ne’ebé Estade prepara iha Munisipiu ida idak, maibe iha prosesu verifikasaun dadus señor Francisco Doutel Sarmento “Lamesak” ho pozisasun hanesan Komisariu Konbatente Libertasaun Nasional Munisipiu Covalima halo esplorasaun hasoru ami durante prossesu Verifikasaun iha Munisipiu Covalima” Portavós Agustinha do Carmo “Bui Kiak Tekite” Deklara.
Bui Kiak Tekite Kontinua, Komisariu Konsellu Kombatentes Libertasaun Nasional (CCLN) Munisipiu Covalima, Francisco Doutel Sarmento “Lameasak” promesa ba kandidata Veterano/a na’in 14 atu hetan kategoria ba Kombatente Libertasaun Nasional ho Durasaun tempu 8 a 14 no tenki halo kontribuisaun osan hahu husi $ 5.00 to’o $. 1.000, fos, no material konstrusaun uma, Animal, Osan mean hanesan (Korenti), servisu obrigatoriu ba konstrusaun nia uma.
“Iha Prosesu Verifikasaun dadus señor Lamesak halo promesa oioin ba ami no mos husu ami kontribui osan husi $.5.00 to’o $. 1.000, Material sira hanesan fos, sementi, korente mean, tais, no animal sira hanesan karau bibi, fahi, manu, inklui halo servisu obrigatoriu ba konstrui nia uma. Osan ho sasan hirak ne’e nia haruka nia liman ain, sira husu no amiasa katak sei la fo maka naran veteranu ne’ebé ami rejistu sei la sai no ami balun nia hateten sei hakarak naran sai ho partisipasaun luta ba 8 a 14 entaun tenki ofrese osan, animal, material sira inklui halo nia uma” Bui Kiak Tekite, lekat tan.
Portavós Agustinha do Carmo “Bui kiak Tekite” hateten aktu hirak ne’ebé Lamesak halo ne’e la’os deit viola ema nia luta maibe la mesak hafoer mos ispritu prinsipiu veteranu no viola lei sira ne’ebé Timor-Leste iha. Tanba ne’e husu ba Komisaun Anti Korupsaun (CAC-Sigla Portuguesa) no Ministeriu Publiku atu halo investigasaun ba aktu ne’ebé Lamesak komete hodi submeter tuir lei ne’ebé vigora.
Nune’e Veteranu no Kobamtente sira iha Munisipiu Covalima “Ministeriu Asuntu Kombatente Libertasaun Nasional (MAKLN) halo reverifikasaun fali hodi fo serteja ba lista edital ne’ebé publika ona iha loron 15 fulan Janeiru 2025 no mos husu atu Suspende Pozisaun Lamesak nian nudar Komisariu CCLN Munisipiu Covalima.
“Ministeriu Asuntu Kombatente Libertasaun Nasional(MAKLN) no Konsellu Kombatentes Libertasaun Nasional(CCLN) atu halo Reverifikasaun ba naran hirak mak publika ona hodi hare fali ba serteja katak hirak ne’ebé naran publika ona la’os rezultadu husi subornu no aktu esplorativu sira, MAKLN Ministeriu asuntu Kombatentes Libertassaun Nasional no konselo Kombatentes Libertasaun Nasional hodi fo sansaun rigoroju ba aktus ne’ebé Señor Lamesak halo inklui halo suspensaun ba nia pozisaun aktual nudar Komisariu CCLN Munisipiu Covalima” Tenik Portavos.
Fundamenta ba konfrensia Imprensa ne’e, kondena ba aktu esplorasaun ne’ebé Lamesak halo maka veteranu no kombatente ida idak, Jornalista sira asesu husi komunikadu ba imprensa ne’ebe sira ida idak deklara katak Candida Barros “Bi Ki‘ak” oferese osan $40.00, tais ida, bibi aman ida, fos saku ida, sementi saku ida, inklui hatama $ 5.00 dala ruma $ 10.00 ba Sr. Lamesak hodi halo festa. Domingas Amaral “Bi Doben” fo osan $ 25.00, tais ida, sementi saku ida, fos saku ida, manu aman ida, no iha tinan 2023 bosok dehan naran iha lista la iha nune’e husu tan osan $100.00. Lorença Barros hatama osan $ 25.00, tais-mane ida, fos saku ida, sementi saku ida, no fo tan montante osan $ 10.00 dala tolu, $ 20.00 dala ida. Domingos do Carmo “Moruk” fo osan $200.00 hodi fasilita Sr. Lamesak nia ferik oan Amelia ba Betun Indonezia, no bainhira atu halo verifikasaun dadus husu tan osan $ 100.00 no tais ida, sigaru LA slop rua (fo ba bainaka durante inaugurasaun Aeroportu Suai). Antonia Cardoso “Bi Bete” fo osan $ 200. 00 (no fo tan ba dala-rua osan $ 500.00, Bee Aqua kaixa 10, Dellos kaixa 5, Sprite Kaixa 20 no karau ida, uza hodi halo nia oan nia festa tinan. Leopoldo Soares “La Terus” fo osan $ 25.00, tais mane rua, manu aman bo’ot ida no sementi saku ida. Julieta Madeira A. Lay fo osan $ 25.00, tais mane ida no sementi saku ida. Agustinha do Carmo “Bui Ki‘ak Tekite” oferese osan $ 25.00, fos saku ida no sementi saku ida. Terezinha Barros “Bi Mesak” fo osan $ 25.00, tais ida, sementi saku ida, no bainhira halo festa sempre husu osan, dala ruma $ 5.00 to’o $ 10.00. Isabel de Araujo “Ran Fakar” oferese osan $ 25.00, tais-mane ida, manu aman bo’ot ida, fahi aman bo’ot ida, korente osan mean 20 gram ida, sementi saku ida no fos saku ida. Anita Amaral “Rafu” fo osan $ 10.00, tais mane ida ho folin $ 25.00, no intrega tan dolar 50.00, manu aman bo’ot ida, fos saku ida no kada festa sempre husu osan, dala ruma $ 5.00 to’o $ 10.00. Madalena da Resureição oferese $ 25.00, tais mane ida, fos saku ida, manu aman bo’ot ida no sementi saku ida. Leonardo do Carmo “Ran Moruk” hatama osan $ 25.00, bibi aman ida, tais ida, sementi saku ida no fos saku ida. Jerimias de Andrade (Rusa Fuik) fo osan $ 1000.00, Karau Aman ida, akontese iha loron 01 fulan Janeiro 2022.
Jornalista:Moichung
Editor : Chamot Nahac
