Covalima ( RCCT ) 15-02-21-Uma MDG’s nebe hari iha tinan 2015 husi Quarto (4) Konstitusional hodi fo apoiu komunidade k’bit laek sira iha aldeia Hae Manu, Suco Beco, Postu administrativu Suai, oras ne’e komunidade barak mak abandonadu tanba komunidade sira la hela lakohi ba.
” Iha Aldeia Hae Manu Uma MDG’s Hamutuk hamutuk 130, maibe Komunidade uma kain 42 mak hela iha uma MDG’s ne’e, no uma 88 seluk abadona tanba ema lahela” Dehan Xefe Aldeia Haemanu Jose Maternus Gonsalves iha nia rezidensia, Sabado (13-02-21)
Xefe Aldeia Haemanu ne’e dehan tan razaun komunidade benefiariu ba UMG”s ne’e la hela iha nebe Governu oferese tanba agora sira iha ona nebe diak kompara ho Uma MDG’s nebe governu Oferese ba sira.
“Razaun komunidade sira nebe mak la hela iha uma MDG’s refere tanba balu iha ona uma di’ak, tanba ne mak sira la hela iha auma MDG’s ne’e.” Tenik Xefe Aldeia Jose Maternus Gonsalves iha nia rezidensia, Aldeia Haemanu Suco Beco.
Xefe Aldeia Haemanu Jose Maternus Fundamenta iha komunidade balu nebe hakarak hela ba Uma MDG’s 88 nebe abadona, maibe nain Primeiru ba Uma Refere la autoriza ema seluk hodi okupa uma ne’e. tanba ne’e sira sei buka dalan hamotuk ho autoridade Lokal iha nivel Postu no Monicipio nune’e bele buka solusaun kona kestaun ne’e.
“ema seluk atu hela ba uma ne’e, maibe ema sira nebe uluk simu lakohi fo, Sira lakohi ema seluk atu hela ba uma ne’e, maibe tempo badak ami iderasan iha Suco no Aldeia ida ne’e sei halo engkontru ho autoridade lokal sira, no ema nebe lakohi hela ba uma ne’e tenki fo seluk ba ema nebe persija atu hela ba uma refere”. Katak nia
Tuir Xefe Aldeia ne’e, iha projeitu konstruksaun UMD’s iha Aldeia Haemanu , Estadu hari mos edifisiu hodi utilize ba Eskola Pre-Primaria(infantil), Klinika,Mekadu, Kapela, maibe Obra hirak ne’e agora Abadona tatalmente.
Entretantu tuir observasaun husi Jornalista RCCT, nota uma MDG’s iha Aldeia Haemanu, Suco Beco Posto Administrativu Suai, barak mak kondisaun la di’ak ka a’at ona, tanba laiha ema ema mak kuidadu uma refere halo du’ut nakonu no naruk iha uma sorin sorin.
Jornalista : Saturnino Soares
Editor : Chamot Nahac
