Covalima (RCCT)- Fronteira Postu Integrado Salele-Covalima Segunda Feira (25-01-21) Autoriza Sidadaun Indonesio na’in 7 tama mai Timor Leste nune’e hodi bele halo fali K’nar hanesan funsionario ka staff tekniku hodi halo verifikasuan ba perfursaun mina rai maran nebe Companya Timor Resource hala’o iha Municipio Covalima.
Ba Jornalista sira iha Fronteira Postu Integradu Salale Covalima Operational Manajer Timor Resource Luis Pereira Konfesa molok aranja staff tekniku na’in 7 husi Indonesia ne’e tama mai Covalima hodi halo servisu iha kampaun Timor Resource Suai, Kompanya halo uluk ona pedido ba Governu hodi bele hetan Autorizasaun no despaixu atu konsultan internasional ba Timor Resource ne’e bele desloka mai Covalima Timor Leste.
“Molok atu hatama ema sira ne’e mai, ami halo uluk ona karta pendidu ida ba Governu nebe mensiona mos naran ema sira nebe atu tama ne’e, hafoin hetan aprovasaun no hetan despaixu husi Ministerio relevante mak ema sira ne’e foin ami hatama sira mai.” Operational Manajer Timor Resource Luis Pereira Esplika.
Hatan ba pergunta nebe liga EE tanba Covid-19 hodi bandu ema labele halibur malu liu ema na’in 10 no mos Lockdown nebe akontese iha nasaun lubuk ida iha mundu inklui Timor Leste, Manajer Luis kasu lia dehan iha Estadu Emerjensia (EE) ne’e Governu mos fo Fleksibilidade aktividade Petrolifeiru bele kontinua hala’o.
“iha Dekretu ba Estadu Emrjensia ne’e, Governu mos fo fleksibilidade ba Aktividade balu bele hala’o inklui mos Aktividade Petrilifeiru iha laran hotu, maibe molok ema sira ne’e tama mai, sira halo ona teste iha Indonesia no hetan rezultadu negativu Covid-19 mak foin aranja lori sira tama mai” Katak Manajer Luis.
Iha fatin hanesan Humberto Yohanes hanesan xefe ekipa ba pessoal Saude nebe destakadu iha Fronteira Postu Integradu Salele Covalima informa, iha Segunda Feira (25-01-210) Governu autoriza deit ba Timor Resource nia staff nebe tama mai Timor Leste, tanba ne’e sira hala’o deit k’nar Saude nian relasiona ho Prvensaun Covid-19 liu husi halo ezaminasaun ba sidadaun Estranjeiru na’in 7 nebe Governu Autoriza tama Covalima Timor Leste.
“Sira ne’e mai husi zona afetadu, depois liga ho ida ne’e ami halo ona Screening, ami orienta sira tenki halo distansia Sosial, Fase Liman, depois ami mos teste sira nia temperatura, ami halo investigasaun ba sira maibe sira laiha sintomas nebe liga ho moras Covid-19.” Katak Humbeto.
Xefe Ekipa Saude iha Fronteira ne’e mos dehan, Sidaduan Stranjeiru na’in 7 sei kumpri mos Kuarentina iha hotel Eliva nebe lokaliza iha Suco Debos Postu Administrativu Suai maibe, sei nafatin hetan kontramentu husi pessoal Saude sira.
“Kona ba Kuarentena ne’e tanba desizaun Governu nian, ema sira ne’e bele halo Kuarentena iha fatin Kuarentena nebe iha nanis ona ne’e mos di’ak, ba halo Kuarentena iha hotel mos mesak di’ak hotu, tanba ekipa husi saude sei nafatin ba halo kontrlu ba sidadaun sira ne’e,” Tenik Humberto.
Tuir informasaun nebe RCCT hetan, Sidadaun Estrajeiru nebe Timor Resource hatama mai iha segunda (25-01-21) ne’e hanesan etapa ba daruk ona, no sei iha tan ekipa ba datoluk nebe sei tama mai, maibe seidauk hatene los baihira.
Jornalista : J’Barros
Editor : Chamot Nahac
