Covalima (RCCT) 23-03-23 Diretor Projetu Tasi Mane, Grancisco Ferreira hateten Timor Gap hanesan Institutu Publiku ida ne’ebe durante ne’e hala’o serbisu kona-ba projetu tasi mane liliu ba iha mega projetu Suai Supply Base, tan ne’e maka ohin mai fahe informasaun sobre progresu serbisu durante ne’e hala’o ba katuas lia na’in sira iha Covalima ne’ebe uluk sai pioner ba projetu tasi mane.
“Objetivu prinsipal ohin ita hasoru malu ho katuas lia na’in sira ne’ebe uluk sai hanesan pioner ba projetu tasi mane, liliu ba Suai Supply Base nian atu fahe informasaun sobre progresu serbisu balu ne’ebe maka halo durante periodu tinan rua nia laran ne’e saida maka halo ba oin, ba ita nia katuas sira atu bele akompana bele troka hanoin ba malu oinsa atu lori projetu ida Suai Supply Base (SSB) ne’e ba oin ho diak” informa Diretor Projetu Tasi Mane, Grancisco Ferreira, ba jornalista sira hafoin remata desimina informasaun ba katuas lia na’in sira iha Covalima ne’ebe hala’o iha Salaun Administrasaun Postu Administrativu Suai, Kuarta (22/03).
Diretor Projetu Tasi Mane, Grancisco Ferreira dehan, Suau Supply Base hanesan mega projetu ne’ebe loloos atu halo konstrusaun iha tinan 2015 hafoin kompaña internasional Hyunday manan tiha ona maibe iha kestaun balu la prense rekezitus legal ninian, tanba ne’e tribunal das kontas la vistu iha momentu ne’eba.
Ho ida ne’e maka management ida agora daudaun toma inisiativa ida halo serbisu balu hodi define projetu tasi mane liliu ba SSB nune’e halo planu ida ne’ebe diak para implementa mega projetu SSB ba oin.
“Iha planu readjustment ne’ebe ita halo, duke ita halo projetu boot hanesan konseptu ne’ebe uluk diak liu ita hahu uluk ho SSB ho opjetu ida ne’ebe nakonu ho sufsiente para atu bele responde ba nesesidade kultu prazu liliu ba explorasaun atividade mina no gas lao iha rai laran no mos iha tasi laran, alende ida ne’e ita mos bele utiliza ba atividade sira seluk” nia informa.
Diretor Projetu Tasi Mane, Grancisco Ferreira ne’e sublina estudu sira lao hela, estudu tekniku balu lao iha tinan ida ne’e liliu haree metrologia, topografi, geofizika alende ida ne’e mos estudu balu halo para atu haree ba iha projety Suai Supply Base iha fatin business ida ba SSB ne’e rasik lori haree ba futuru projetu ne’e rasik ninia negosiu ne’e oinsa, depois avansa ho planu ne’ebe halo iha futuru.
Entertantu partisipa iha desiminasaun informasaun ba lia na’in sira iha Covalima hetan partisipasaun husi Prezidente Timor Gap, Prezidente ANPM,, Diretor Projetu Tasi Mane, no katuas lia na’in sira ne’ebe sai pioner ba projetu Tasi mane maka katuas lia nain sira husi Suku Camanasa, Labarai no Matai inklui funsionariu sira husi Timor Gap no ANPM.(JS)
