Covalima (RCCT)27-04-21 Lafaek Kanek Emilio Cardoso idade 75 iha Aldeia Maneikun, Suco Suai Loro Postu Administrativu Suai, Lafaek tata Emilio Iha Ponte Okos wainhira Emilio sai husi uma atu tau matan ba nia hare iha natar, tanba ne’e to’o iha Ponte wainhira hare hetan Kadiuk iha Ponte okos tanba ne’e nia tenta atu tun ba kaer Kadiuk iha Ponte okos maka Lafaek tata kanek Emilio nia Ain Sorin Karuk.
“Iha oras tuku 7 dader ha’u atu ba natar, hare kadiuk iha ponte okos ne’e mak ha’u tun atu kaer kadiuk e depois tama to’o be laran ha’u mos la hatene katak Lafaek ne’e iha hela ponte okos ha’u foin maka atu lolo liman atu kaer kadiuk derpenti Lafaek haksoit tata kedas ha’u nia ain no ha’u mos lori liman tuku Lafaek ne’e mak Lafaek husik ha’u, depois Lafaek ne’e lori ninia ulun fatuk baku ba ha’u nia kelen ne’e mak ha’u mos hakat sa’e lalais husi ponte ba iha estrada leten.” Emilio konta kronolojia ne’e ba RCCT.
Emilio cardoso haktuir/depois de hetan tata husi Lafaek, nia esforsu hodi salva nia an hodi halai sae husi be laran no hakilar ho lian maka’as ho intensaun hakarak komunidade maluk rona para bele ajuda nia.
“ha’u hakilar no obriga an hodi ba buka fatin hodi nune’e bele deskansa ba tanba ha’u senti oin halai no iha ema balun rona ha’u hakilar ne’e mak sira mos halai mai, nune sira ba foti motor tula ha’u lori mai ha’u nia uma.” Emilio Kontinua halore Kronolojia.
ho akontesementu ne’e husi familia no Komunidade ajuda lori kedas Emilia ba ninia rezindesia nune’e hodi halo tratamentu tuir tradisaun no kultura no vitima Emilio rasik lakoi atu lori ba halo tratamentu iha hospital maibe vitima ne hakarak deit atu halo tratamentu tradisional deit (uja kakaluk).
Entretantu tuir informasaun nebe maka RCCT Asesu iha Suco Suai Loro, Iha Fulan Abril nia Laran Lafaek tata ona komunidade Nain rua (Mane Hotu), nebe Mane Nain ida lakonsege Salva ninia Vida no Ida Seluk Emilio maka So Lafaek Tata kanek deit iha nia ain parte sorin karuk.
Jornalista: Litu de Jesus
Editor : Chamot Nahac
