Iha Quita Feira (15-20-20) mais ou menus tuku 3 loro kraik iha We Liuhuwai, Aldeia Teda, Suco Beco, Posto Administravo,Suai, Municipio Covalima, Lafaek tata Romario Amaral Lopes Tinan 15 iha liman, ain no hirus matan, akontesementu ne’e kona ba Romario tan atu ba kaer kakibat hodi faan para hatama osan dolares 3 ba eskola hodi selu foto.
Haktuir fali ba kronolojia kona ba akotensement Jaco Lemos hanesan Sasin no tiu nebe hamotuk ho Vitima Romario Amaral Lopes hamutuk ho vitima ho nia kolega nain 3 seluk inklui ho nia ba atu kaer kakibat iha We Lihuwai mak avo Lafaek tata, tan ne’e hanasan tiun Nia (Jaco) esforsu hodi Salva nia Subrinu Vitima Romario.
“Horsehik ami ba kaer kakibat iha We Lihuwai, ami tama to’o be laran, derepenti Avo Lafaek ne’e mai tama husi labaraik nain 3 nia let, pas to’o nia (vitima) mak avo kamat lori halai tama ba be laran, ha’u mos hamrik fila kotuk ba sira, rona hakilar temi Ario Ario Ario mak ha’u mos hateke fali ba sira maibe Romario Avo lafaek lori tama ba be laran ona” JacoHaktuir.
Jaco kontinua Konta kronolijia ne’e; “depois hau haksoit tun ba be laran mak foin dada fali Romario husi Avo Lafaek nia ibun, hodi hasa’e fali Romario ba Rai maran”Dehan Jaco Lemos Jornalista Sexta Feira 16 iha vitima Romario nia rejidensia.
Jaco hatutan depois salva Romario husi avo lafaek, sira kontinua lori vitima Romario mai uma iha Beco nune’e halo tramentu tradisional ba Vitima Romario nia kanek iha ain no hirus matan.
“hotu tiha ami langsung hulan Nia (Romario) Lori mai uma iha Beco, par abele buka ai moruk timor hodi kura nia kanek sira ne’e” Dehan Vitimia nia tiun Jaco Lemos.
Iha fatin hanesan Julio Caldas hanesan Familia ba Vitima Romario Amaral Lopes Afirma, Vitima hanesan estudante nono anu iha EBC Beco, no vitima hetan kanek tanba lafaek tata ne’e tanba atu ba kaer kakibat para faen hodi hetan osan dolares 3 nune’e bele ba hatama iha eskola.
“Profesor sira avizu iha eskola neba katak, kada estudante osan $5, nemak horsehik nia vitima Romario) ba buka kakibat ne’e, horsehik sai eskola nia lahan tan nia buka nia tiun dehan ita ba buka kakibat lai ba tanba ami atu hatama osan para foto” Dehan Familia Vitima Julio Caldas.
Julio mos dehan ida ne hanesan dezastre ida, nebe ita la espera atu akontese.
“sorti di’ak tanba nia tiun nebe ba hamotuk ne’e sei salva nia, ida ne’e hanesan dezastre ida nebe ita la espera atu akontese, tan ne’e agradese ba maromak no ninia tiun nebe sei bele ajuda nia (Vitima Romario.) Julio hakotu.
Tuir observasaun husi Jornalista RCCT hatudu katak hafoin Sasin Jaco Lemos lori Fitima fila mai uma, Familia Vitimi disidi atu halo tramentu tradional deit ba Vitima nia kanek sira no mos disidi la lori vitima ba halo tratamentu iha hospital.
Jornalista : Lito de Jesus
Editor:Chamot Nahac
