Covalima (RCCT) 02-12-24-Hahu husi Lansamentu ba ekipamentus Biometriku iha loron 29 Fulan Outobru tinan 2024 liu ba, STAE Munisipiu Covalima Troka Kartau Eletoral ba baze Biometriku hamutuk rihun ida atus lima rua nulu resin nen (1526) iha Munisipiu Covalima
Tuir Diretór STAE Munisipiu Covalima Fransisco Gusmao ne’e informa, tuir planu atendementu ba eleitor sira atu troka kartaun eleitoral ba Sistema biometriku kada loron atende ema na’in atus ida, maibe durante ne’e halo atendementu ba ema na’in nen nulu to’o sia nulu deit.
“Kada loron ita nia planu ne’e atendimentu iha ema na’in atus ida depende ba eleitor sira ne’ebé maka iha, maibe tamba iha eleitor sira balun mai iha deit sei senta,oitenta, hanesan ne’e deit entaun ita nia sistema ne’e atendementu ba iha sira la to’o atus ida, dalaruma liu, dala ruma mos la to’o, atendementu ne’ebé mak STAE Munisipiu halo iha Covalima ba eleitor sira ne’ebé mak mai troka sira nia kartaun eleitoral ba Biometriku ne’e kada loron ita atende mak sia nulu ba leten” Informa Diretór STAE Munisipiu Covalima, Fransisco Gusmão.
Entretantu STAE Munisipiu Covalima Simu eleitor sira troka kartaun eleitoral ba Biometriku hahu husi lansamentu iha loron 29 fulan Outobru tinan 2024 ate agora atende ona eleitor hamutuk 1526 .
Jornalista : Alfredo Barreto
Editor : Chamot Nahac
