Covalima (RCCT) 21-01-25-Tinan 2025 Servisu Munisipal Seguransa Alimentar (SMSA) Munisipiu Covalima hetan kolokasaun orsamentu ho montante dolar Amerikanu rihun hat nulu resin hitu, atus lima sia nulu resin ida ($ 47, 591.00) ne’ebé fahe ba kategoria rua.
Diretór Servisu Munisipal Seguransa Alimentar Munisipiu Covalima Hilario Oliveira, relata konaba osan ho montante dolar Amerikanu rihun aht nulu resin hitu, atus lima sia nulu resin ($ 47, 591.00) aloka salariu bensimentu hamotuk dolar amerikanu rihun tolu nulu resin hat, atus lima ualu nulu resi ualu ($ 34, 588.00 no bens servisu dolar Amerikanu rihun sanulu resin tolu, dolar tolu ($ 13, 003)
“Husi orsamentu bens servisu ne’e fahe ba atividade hat hanesan atividade monitorizasaun no fiskalizasaun ba sistema armajenamentu, halo fiskalizasa no monitorizasaun ba programa merenda eskolar, halo desiminasaun sobre pratika seguransa alimentar di’ak iha nivel postu no atividade ikus liu maka foti amostra ka halo teste be priodika ba be posu no be galung sira ne’ebé ejiste iha teritoriu Munisipiu Covalima, ne’e husi orsamentu $ 13.003 kolpla ba iha bens servisu” informa Diretór Servisu Munisipal Seguransa Alimentar Munisipiu Covalima Hilario Oliveira.
Nia haktuir orsamentu ne’ebé aloka ba servisu munisipal seguransa alimentar iha tinan 2025 ne’e sufsiente, maske iha redusaun orsamentu balu ba iha kategoria bens servisu nian kompara ho orsamentu tinan 2024.
“Bazeia ba esperiensia tinan kotuk 2024 nian, orsamentu sufsiente, ne’ebé agora mantein nafatin ita la’o bazeia ba orsamentu tinan kotuk, no mos ita iha orasamentu kompara ho tinan ida ne’e ba iha bens servisu iha redusaun uitoan husi orsamentu dolar amerikanu atus ida ($ 100)” nia dehan.
Entertantu oras ne’e daudaun rekursu umanu ne’ebé apoiu iha Servisu Munisipal Seguransa Alimentar Munisipiu Covalima hamutuk ema na’in-11, kompostu husi Diretór ema na’in 1, Xefe Departamentu na’in 2 no funsionariu babain na’in 8.
Jornalsita : Julio Salinas
Editor : Chamot Nahac
