Covalima-RCCT-Antes estabelese merkado iha linha fronteira maibe tenke halo koperativa no fo kapasitasaun ba grupo koperativa sira atu nune bele tulun komunidade agrikultor sira iha base hodi aselera no asegura merkadu iha linha fronteira, Dehan Sekretario Estado koperativa Elizario Ferreira ba Jornalista RCCT wainhira halo vizita ba grupo koperativa Foho Tetuk nebe durante ne’e produz produto lokal hanesan fore mungu, fore metan, fore keli no seluk- seluk tan, iha Aldeia Sadahur, Suco Maudemu, Postu Admnistrativu Tiloma’ar Quinta feira (17-09-20).
“ Formasaun no fahe informasaun ne’e importante tanba ne’e sei sai hanesan baze ida nebe forte atu forma no eduka bebeik komunidade sira liliu koperativa sira tanba merkadu ne’e muda hosi loron ba loron ,ohin merkadu oin seluk aban oin seluk.”,hateten hateten Secretatio Estastu Elizario Ferreira
Iha fatin hanesan Xefe Suco Maudemo Maria de Fatima liu husi nia afirmasaun husu ba Sekretario Estadu Koperativa atu bele loke tan bazar iha froteira salele mota masin.
“Ho prezensa Sekretariu Estadu koperativa nian iha ami nia suco ne’e, ami senti kontente tebes tanba bele rona ami nia lian,rona ami nia halerik konaba ami nia sasan sira ne’ebe ami bele lori ba merkadu no ida ami hakarak fo sujestaun ba Sua Exelensia atu loke tan bazar iha area fronteira.”hateten Xefe Suco Maudemo Maria de Fatima.
Liga ho ne’e Xefe Grupo Feto Neuzia Mendonca Amaral sente orgulho tamba estado iha ona planu atu hari merkado iha fronteira nune’e bele ajuda sira hodi bele fa’an sira produto lokal nebe sira iha.
“sente kontente tanba estadu mos bele hanoin atu kria merkadoria ba ami grupu agrikultor ne’ebe mak iha baze. Nune’e ami bele lori ami nia produtu lokal nebe ami produs ba iha merkadu nebe besik liu iha ami nia sorin, tanba durante ne’e ami produs produtu hanesan fore metan, fore talin ho fore keli.”dehan Neuzia Mendonca Amaral.
Jornalista : Tynho Gusmão
Editor : Chamot Nahac
