Covalima-RCCT- 17-12-20. Komunidade iha Postu Administrativu Fatululik konsidera sasan sesta bazika nebe governu fo atraves husi kompnya All. Unip. Lda ne’e folin la dollares Amerikanu rua nuluh resin lima ($25.00).
Tan ne’e Komunidade sira iha Postu Administrativu Fatululik ejiji ba Komisaun Anti Korupsaun (CAC-Sigla Portuguesa)atu loke investigasaun no prosessa ba kompanya, tanba komunidade sira konsidera kompanya ne’e Pratika korupsaun tanba sasan sira ne’e folin lahanesan ho folin sasan iha merkadu.
“Sasan ne’e Kompanya mai fahe ne’e, kompara ho folin iha keoske folin lahanesan, tanba ne’e ami la simu, kompara ho postu seluk sasan nebe sira simu ne’e exemplu mina goren litro 3, maibe ami iha ne simu deit mina goreng ho folin $ 0.75 Cent nian mak kada ema ida 2, fos kilo lima ho ninia presu nebe sira folin $15.00 nebe folin fos kada kilo ho folin $ 3.00, kafe falun 2 ho nia folin $ 20.00, masi midar pastik 2 deit nebe ho folin $ 0.50 cent mak plastik 2. Tan ne’e ami husu CAC tenki buka ema sira ne’e tan sira ne’e halo ona Korupsaun.”Dehan Komunidade Aldeia Fatuloro, Suco Taroman Postu Administrativu Fatululik, Armando Amaral ba RCCT, Quinta Feira (17-12-20).
Liga ho problema ne’e Administrador Posto administrativo Fatululik Elias da Cruz afirma hanesan autoridade sira iha posto ninia servisu mak atu apoiu ba programa governu nian.
Maibe nia parte mos la impede komunidade nia direitu atu simu sasan sesta basika ne’e, kona ba sasan Sesta basika nebe kompanya distributor lori mai fahe halo komunidade la satifas no lakohi simu tanba konsidera pakote sasan nebe kompanya fo ne’e folin lahanesan ho sasan folin iha merkadu ne’e fila fali ba kompanya mak tenki hare ida ne’e.
Administrado Elias mos dehan nia Parte atu Apoio deit hodi ezekuta programa governu nebe iha, no antes ne’e nia parte esplika uluk ona ninia nia k’nar atu ejekuta programa governu iha baze, Administrado Elias mos konsidera komunidade barak mak la satisfas ho sasan sesta basika ne’e tanba folin sasan la tuir presu iha merkadu.
“Ami la bele obriga komunidade atu simu no ami mos la impede komunidade nia direito karik iha Komunidade balu mak hakarak atu simu sasan sira ne’e, ida ne’e fila fali ba komunidade sira tanba ida ne’e sira nia direitu. ami nia knar mak atu apoiu programa governu nian, maibe kona ba presu sasan ne’e kompanya mak tenki esplika ba komunidade sira.”Katak Administrado Postu Administrativu Fatululik Elias da Cruz ba RCCT.
Hafoin hetan informasaun husi komunidade no administrador iha posto refere Jornalista RCCT kontinua konfirma ho Diretor konpanya All Unip.Lda, Alberto Barreto teki tekir Diretur Kompnya Desmaia wainhira Intervista la’o hela, Antes desmaia diretur Kompnya All Unip. Lda nudar Distributor ne’e dehan;
“Komunidade sira la komprende no komunidade sira hanoin katak kada uma kain ida simu sasan ne’e plastik ida maibe, na realidade kada pessoa ida mak simu plastik ida, ida ne’e hanesan failansu tenknika”Dehan Diretur Kompanya All Unip.Lda, Alberto Barreto.
Informasaun ikus nebe RCCT hetan iha Fatuloro, depois hetan asistensia mediku iha postu saude nebe besik iha fatin refere Diretor konpanya All Unip.Lda, Alberto Bareto ninia kondisaun diak no normal fila fali.
Jornalista: Tynho Gusmão
Editor: Chamot Nahac
