Covalima (RCCT) 08-12-24- Sarani Maukola hetan Apoiu Osan Haotuk Dolar Amerikanu rihun sanulu resin lima, atus tolu ruan ulu resin tolu, sentavus lima nulu ($ 15,323,50) hodi hala’o konstrusaun Kapela Imaculada Conceição.
Kapela Imaculada Conceição Maukola ne’e hahu konstrui iha loron 08 fuan februariu tinan 2022 nune’e remata ona konstrusuan iha loron 08 fulan dezembru 2024, basa sarani Maukola hetan tulun orsamentu husi maukola oan mak servisu iha dispora no mos ajensia sira hanesan Prezidenti Komisaun Organizadora hatuir.
“Duador sira ne’ebé mak suporta kapela ida ne’e hosi nasaun portugal,Indonesia, Australia,no mos ita nia oan sira ne’ebé servisu iha estranjeiru balu iha Australia balu iha Koreia Balu iha Englatera, sira nia kontribuisaun mak hetan rezultadu ida ne’e.” Doser Relata.
Doser fundamenta, edifisiu antigu Kapela Imaculada Conceição hari iha tempu okupasaun Indonesia iha tinan 1984 tanba ne’e mak sarani sira inisia hari edifisiu foun ho osan rasik no mos tulun husi Kompaiña balu maibe lahetan apoiu fundus husi Governu Timor Leste.
“Kapela antigu nia hari iha 1984. Agora halo foun ida ne’e ami tur hamutuk ho ami nia sarani tomak Aldeia rua Aldeia Maukola ho Aldeia Bibi Atan tur hamutuk hodi hili Xefi komisaun, na relidade ohin loron sai rezultadu ida ne’ebé ke di’ak maske ami laiha k’bit atu husu ba Estadu maibe ami ofrese ami nia an. Fundus ida ne’e la’os husi Estadu, maibe fundus ida ne’e husi autoridade lokal rasik husi komunidade sira mak tur hamutuk hodi ofrese kapela ida ne’e tanba kapela ida ne’e at liu ona durante tinan hira nia laran hahu iha 1984 mai to iha 2022, ami hare kapela ne’e monu ona tanba ida ne’e mak ami hari komisaun hodi halo planu nune mos la’os deit ami sarani mesak maibe husi kompaña balu mos apoiu, ami kompañia hanesan mos Montana Di’ak, ajuda ami” tenik Doser.
Sarani Maucola Simão Godinho de Araujo senti kontente iha ona kapela nudar maromak nia uma ne’ebé konstrui besik iha nia hela fatin.
“Hanesan sarani ami kontenti tebe-tebes tanba ita hare ba ita nia kapela mos foun ami senti kontenti tebes ita nia misa mos bain hira atu halo sarani ita la ba dok ona hakbesik an iha ita nia kapela ida ne’e no ami agradese tebes ba ita nia duador nomos ita nia maun alin sira servisu iha rai liur ami kontenti tanba ho sira nia hamutuk mak ohin loron kapela mos ita realiza ho didi’ak” Simão espresa.
Entretantu Kapela ne’e Realiza tanba hetan kontribuisaun husi Sarani Sira iha Aldeia Maukola no Aldeia Bibi Atan, no nasaun portugal liu husi kongresaun SVD, Indonesia, Australia, no Joven Maukola oan ne’ebe dadaun ne’e servisu iha diaspora inklui hetan tulun husi kompañia balu hanesan kompañia Montana Di’ak.
Enkuantu Kapela Imaculada da Conceição de Maukola Inagura ona iha loron 08 fulan dezembru 2024 husi Amu Párokia Igreja Ave Maria Suai, Pe.Sebastião Eugénio da Cruz, Partisipa Masimu husi Sarani Aldeia Maukola no Aldeia Bibi Atan, Suku Beko.
Jornalista:Moichung
Editor : Chamot Nahac
