Ex Administradór Munisípiu Covalima iha tempu Indonézia, Rui Lopez husu ba líder karismatiku Kay Rala Xanana Gusmão atu konstrui monumentu ba saudozu Albino do Carmo no saudozu Lesu Katal.
Jornalista : Tino Gusmão/RCCT
Editór : Chamot Nahac
Ex Administradór tempu Indonézia, Rui Lopes husu líder Xanana Gusmão atu konsidera saudozu hodi bele konstrui monumentu iha aldeia Lela, suku Holpilat, postu administrativu, Maucatar, munisípiu Covalima.
“Ha’u husu Maun Boot Xanana, se ami bele halo subkrisaun ida para ami hakarak halo monumento ba Saudozu Albino ho Lesu Katal, para memória ne’e labele lakon, maske uluk ha’u luta kontra vontade povu ida ne’e nian, maibé ha’u rekoñese katak ema sira ne’e heroi boot, istéria e ha’u hakarak sai sasin ba istória ida ne’e, Albino luta ba rai ne’e to’o hotu, ba ita hotu-hotu nia di’ak ba nasaun ninia di’ak,” Rui Lopes informa ba Jornalista sira hafoin Xanana Gusmão hasoru malu ho komunidade iha Suco Holpilat molok asaun karidade, ,Segunda (27/072020)
Hatan ba preokupasaun ne’e, Líder Xanana Gusmão, hatete, nia parte sei hato’o ba Governu, atu nune’e estadu labele husik sira, tanba sira nia sofrementu maka hetan hetan liberdade nasaun ida ne’e.
Nune’e, Rui Lopes, dehan, “iha 1975 to’o 1978, ami iha sorin balu ne’ebá ami ladun oho inimigu iha ne’e, maibé iha kilat barak no maka’as teb-tebes.Tanba, iha area ida ne’e, inklui espíritu santu ne’ebe komandante di’ak ida mós, ami rekolla hotu hodi hato’o ba estadu dehan, estadu labele husik de’it buat hanesan ne’e, tenke tau matan ba sira, tanba uluk ho sira nia sofrementu mak hetan ukun rasik a’an”. Tenik Rui Lopez
