.png)
Covalima (RCCT) 14-06-23-Edifisiu foun fasilidade Saude iha Suku Beiseuk ne’ebe governu harii iha tinan 2021 no termina iha tinan 2022, povu seidauk utiliza no halo tratamentu saude maibe oras ne’e fasilidade saude ne’e nia kondisaun grave ameasa atu monu tanba impaktu husi rai halai.
Tanba ne’e Komunidade sira iha suku Beiseuk konsidera oitavu governu fakar osan saugate hodi halo konstrusaun ba postu saude tanba povu seidauk uza uma refere maibe nakfera no hein dei atu monu
“ospital ida ne’e, gasta osan boot tebes, maibe seidauk, uja tan kondisaun at ona, governu tenki toma atensaun ba Obra ida ne’e, ami povu beiseuk atu ne’e atu ba konslita ka feto sira atu partus ne’e tenki la’o dok besik kilo metro 7, govetnu tenku hare didiak ospital ida ne’e tanba gasta angaran bot maibe ninia kualidade laiha” Informa Juvinal Monis Amaral.
Komunidade Sejartinho Cardoso mos lamenta “Ospita ne’e halo fo ma ka fo ba animal sira, ne mak ospital ne’e dodok hotu ona governu la tau matan ne’e, kompanya halo obra ne’e ladiak, ne mak komunidade la kontenti, halo hotu ona ami la uja to’o agora,” Komunidade Sejartinho Cardoso lamenta
Komunidade Casimira Nunes konkorda, governu liu husi ministeriu saude kria planu harii fasilidade saude besik ba komunidade, maibe sente triste, bainhira konstrusaun remata, povu seidauk uza, fasilidade refere komesa nakfera no ameasa atu monu,
Casimira Nunes mos konta maske konstrusaun refere remata no komesa at fali ona maibe durante ne’e kompania nain seidauk selu hotu trabalador, Casimira nia mane foun sira sira nia osan to’o agora.
“Governu halo ospital besik ami ne’e diak, maibe ospital ne’e halo seidauk hotu at fali ona, depois kompanya seidauk selu, hau nia mane foun mos sira seidauk selu, ami atu selu bon sira iha keos mos lori saida, bos deit mos to oras ne’e la mai, ami telephone ba mos la mai ne’e” katak Komunidade Casimira Nunes.
Enkunatu orsamentu ne’ebe oitavu governu hasai hodi halo konstrusaun ba edifisiu foun postu saude Beiseuk ho montante dolar amerikanu rihun atus rua, sia nulu resin lima, ne’ebe konstrui husi kompania CARAME Unipesoal, Lda no konstrusaun ne’e hahu iha fulan Agustu 2021 no finalize iha fulan Fevereiru tinan 2022,
Entertantu to’o notisia hatun Suai Post seidauk halo konfrmasaun husi kompania tanba laiha fatin no kompania na’in ne’e husi Bobonaro.
