Populasaun Atus Hat Resin husi Aldeia Maco’us, Fatuloro no Aldeia Holba Suco Taroman Posto Administrativo Fatululik la asesu ba Estrada no Uja deit Lampu Tradisional hodi fo naroman ba moris iha tempo kalan tan seidauk Asesu Electrisidade.
Reportazen “J’Barros”
Xefe Suco taroman Leonel Asa, informa ba radio Komunidade Cova Taroman Sexta Feira dadaun ne’e, sente triste tanba durante iha Suco Taroman iha Aldeia Lima (5) nebe Aldeia Rua mak asesu ona ba Electrisidade no Estrada maibe Aldeia Tolu (3) seluk mak durante seidauk hetan asesu Electrisidade no Estrada, Sefe Suco ne’e Salienta Aldeia Rua iha Suco Taroman mak sente rezultadu husi ukun aan ida ne’e, no Aldeia Tolu (3) mak seidauk sente ukun a’an ne’e tanba, seidauk hetan asesu ba Electrisidade no Estrada;
Xefe Suku Taroman Esklarese“ Ha’u Sente triste tebes, tanba durante ne’e ha’u Comunidade Aldeia tolu la asesu ba Electrisidade tenba ne’e difikulta ba labarik estudante sira atu estuda karik araska, tanba durante ne’e Comunidade iha Sira iha Aldeia Tolu (Maco’us, Fatuloro no aldeia Holba) sei uja nafatin lampu tradisional hodi fo Naroman ba sira nia moris iha uma laran iha tempo Kalan”
Xefe Suco ne’e mos Salienta liga ho Estrada nebe ladi’ak halo komunidade sira susar iha tempo udan wainhira atu halo viazem ba capital municipio Covalima lori sira nia Produtus local sir aba faen iha merkado; “Ami iha ne’e susar atu halo viazen ba iha capital Municipio wainhira udan tanba ami nia Estrada ladi’ak, liu-liu hau nia Comunidade Agrikultor sira susar atu lori sira nia produto local ba faan iha merkadu Suai tanba Laiha Trasporte Publiku mak halai iha tempo udan, ne’e dala ruma halo Agrikultor sira nia Produtos sira balun dodok deit iha to’os laran”
Entretanto ligadu ho kestaun estada ne’e Xefe Suco Taroman Informa durante ne’e husi Compnya balun halo survei ba estrada refere maibe to’o agora la iha rezultado, no mos nia parte hanesan Xefe do Suco hato’o ona carta ba ministerio relevnte, maibe la iha responde ruma ba preocupasaun hirak ne’e.
