Covalima (RCCT) 31-05-23-Komandante Polisia Nasional Timor-Leste (PNTL) Munisípiu Covalima Superintendente Polisia Basilio de Jesus, informa oras ne’e daudaun parte polisia identifika suspeitu hamutuk ema na’in-22 kona-ba kazu asaltu iha Suku Tashilin, Postu Administrativu Zumalai, Munisipiu Covalima.
“Kona-ba suspeitu sira ne’e ita identifikadu ona suspeitu hamutuk ema na’in-22, ita nia tempu inisiu kedas iha kalan ne’eba to’o hoserik lokraik, ita nia tempu hodi buka sira, atu bolu sira hodi kopera iha prosesu judisial maibe sira la kopera entaun ohin tama ona ba terseiru dia, ita mos kordena ona ho Ministeriu Publiku ba ema sira identifikadu husu para atu bele imediatu halo kapturasaun ba autor sira ne’e” informa Komandante Polisia Nasional Timor-Leste (PNTL) Munisípiu Covalima Superintendente Polisia Basilio de Jesus, ba jornalista sira iha Suku Tashilin Kuarta (31/05).
Komandante Basilio dehan asaun ne’ebe suspeitu sira halo ne’e asaun brutalismu, asaun krime, nasaun ida ne’e iha lei atu hakarak ka lakohi ema hotu-hotu tenke moris iha lei nia okos, tanba ne’e maka polisia hanesan ain liman nasaun nian, polisia maka hala’o lei no ordem, ne’e maka submete prosesu hotu ba iha MP hanesan na’in ba prosesu judisial.
Basilio dehan sira husi Aldeia Tashilin mai halo asaltu laos ho individual, maibe sira mai ho grupu organizadu husi grupu arte marsiais PSHT.
“Sira mai laos individual sira ne’e kuaze grupu lubuk boot ida, se lasala nai xefe suku Tashilin mos fo hatene ba ita katak sira laos individu sira grupu lubuk boot ida mai asaltu iha kalan ne’e, tuir buat ne’ebe ita identifika katak sira ne’e grupu organizadu ho ema ne’ebe lidera grupu mai halo asaltu, sira ne’e mai husi grupu arte marsiais PSHT” Komandante dehan.
Komandante esplika ida ne’ebe entre sira na’in-22 ne’e horseik kedas polisia halo kedas kaptura ona ba ema ne’ebe lidera grupu no detain hori kalan iha sela polisia ohin dadersan iha oras tuku 9 MP aplika Termu Identidade Residensia (TIR) hodi hein mandadu kapturasaun.
Parte polisia mos sei dauk seryeza kona-ba motivu kazu ne’e purke agora sei iha hela prosesu investigasaun, polisia foin maka identifika depois de identifika autor ka suspeitu sira ne’e entrega an ou kaptira tiha hotu maka foin hatene loloos motivu hodi halo asaltu ida ne’e.
Atu garante seguransa maka hanesan ne’e iha Covalima kuaze postu administrativu 7, iha Zumalai polisia foti jeralmente hanesan primeiru grau ne’ebe as ona aktu de krime.
“Agora husi jeral de krime ida ne’e ita foti fila fali area Galitas ou Suku Tashilin ne’e sai hanesan primeiru kategoria aktus krime ne’ebe mosu iha tinan rua ka tolu pasadu liu ba, tanba ne’e haree ba situasaun ida ne’e hau hanesan komandante munisipiu tanba halerik husi komunidade iha ne’e tantu xefe suku ho nia komunidade tomak in seguru tanba na’in hira ne’ebe halo aktus krime sira ne’e agora halai sae tiha ona ba ai laran entaun ema sira hela iha ne’e ladun seguru, tanba ne’e hanesan komandante munisipiu deside hodi estabelese postu permanente ida, hau tau seksaun ida full tau iha Suk Tashilin ho nune’e bele fo garantia na komunidade sira iha ne’e kalan bele toba hakmatek” hateten komandante.
Nia dehan razaun estabelese postu permanente iha ne’e atu hodi labele fo vantazen ba grupu ida ne’ebe halo asaltu ou sira nain hirak ne’ebe ohin temi agora halai sae hela ba ai laran karik kalan ka loron sira atu halo asaltu fila fali labele ona purgue tau ona polisia iha ne’e suku ida ne’e.
Estabelese postu permanente ida iha ne’e kompostu husi membru polisia na’in-7 seksaun ida hodi destaka permanente, mos apoiu nafatin husi eskuadra Zumalai, mos apoiu nafatin husi komando munisipiu Covalima inklui un8dade espesial destakadu karik ida ne’e la to’o sei apoiu tan husi polisia Unidade Patrilhamentu Fronteira (UPF) iha Covalima.
Basilio husu ba sira na’in hira ne’ebe sente, konsiente involve iha kazu asaltu ida ne’e purque sira halo ona krime iha ona estraga sasan sai hanesan evidensia, estraga motor balu mos sai hanesan evidensia, iha ona ema kanek tanba balu tuda ho fatuk, balu mos kanek tanba ta’a ho buat kroat entaun sira rasik hatene asaun sira ne’e krime, se asaun sira ne’e krime sira iha obrigasaun fila mai kopera ho parte seguransa ho nune’e submete sira ba iha prosesu judisial.
Entertantu atu garantia seguransa ba komunidade iha Suku Tashilin maka komando PNTL Munisípiu Covalima foti desizaun hodi estabele postu permanente ida ho membru polisia na’in-7 ba seksaun ida.(JS)
