Covalima-RCCT- Centru Treinamentu Claret (CTC)-Salele hamotuk ho prizaun Suai Gradua estudante ba Formasaun iha Area Pedreiro, Electrisidade, Soldadura, Lanalizasaun, Karpinteira, no Konstrusaun. hamotuk ema na’in 51 simu sertifikadu husi CTC-Salele ba Area Hospitalidade nivel, Pedreiro, Electrisidade,Soldadura , Lanalizasaun, Karpinteira, no Konstrusaun nivel I no II baa nu Formasaun 2020.
Iha okaziaun ne’e Director Centru Treinamentu Claret Pe. Juan Artiles Roberto.CMF. Afirma Centru Treinament Claret(CTC) sei kontinua loke odamatan no prontu atu servi no didika iha area sira nebe mak CTC iha.
Pe.Juan dehan; Prontu atu serve, tanba mundo ida agora ne’e mundo trabalha ninian, tanba ne’e persija ema nebe mak iha conhecimento basiku iha area idak idak, no perciza ema nia hahalok nebe mak di’ak. Dehan Diretur CTC-Salele Pe. Juan Artiles Roberto.CMF. ba Jornalista wainhira partisipa serimonia graduasaun estudantes ba formasaun sira iha Prizaun Suai-Tabako Lot, Debos-Suai Tersa feira (13-10-20).
Tan ne’e Pe. Juan husu ba graduantes, sira atu kontinua aplika saida mak aprende ona iha CTC.
“Ha’u tenke ko’alia ba imi, faze ida remata ona, liliu alunu CTC hahu faze ida tan, la’os deit ba CTC maibe ba imi Hotu, Husu ba imi keta para, tenke la’o kontinua, tempo ida agora ne’e tempo mundo Laboral, Mundo nebe mak buka servisu”. Diretur Juan Artiles hateten
Diretur CTC ne’e mos husu ba Estundate Graduantes sira atu buka servisu iha kompanya ruma no mos bele halo Bisnis rasik tuir kapasidade nebe iha ona.
Haktenik Diretur Centru Treinament Claret, hodi fo hanoin ba estudante Graduantens iha area konstruksaun nivel I no II, no Hospitalidade Nivel I, katak wainhira hetan ona sertifikadu tenki esforsu hodi buka servisu no labele hein deit iha fatin atu servisu mak buka fali ita.
“Imi simu ona Sertificado mak ne’e la’os hodi sertificado ne’e ba tau deit iha uma, ou loron seluk ha’u hasoru imi mak ha’u husu, imi agora halo sa ida, hatan dehan ha’u iha uma deit, ida ne’e ha’u lakoi, Juven tenke esforsu aan, ita mak buka servisu la’os servisu mak buka ita,”Diretur CTC-Salele Pe. Juan Artiles haktenik
Iha sorin seluk Graduantes CTC-Salele Abrania de Fatima Guteres, iha nia intervista informa sente orgulho tebes ho sertificado ida ne’e.
“Liu husi CTC ami bele aprende kona ba area Oi-oin mak hanesan, Serve, Cozinha, Bar, House Keeping, Soldadura, Hospitalidade, Construsaun.
Tanba ne’e Sente kontenti no apresia tebes, ha’u esforsu aan durante la saugate, ohin ha’u bele realize duni ha’u nia mehi nebe durante ne’e iha to’o hetan sertificado ida ne’e.”dehan Abranian
Iha Seremonia Graduasaun no fahe Sertificado ne’e realiza iha salaun prisaun Suai, no iha actividade ne’e partisipante mos Vice Ministru Justisa, Diretur Nasional SEFOPE, Autoridade lokal sir iha Municipio Covalima no mos husi no inan aman sira.
Jornalista :J’Barros
Editor : Chamot Nahac
