Covalima (RCCT) 03-02-25-Ministeriu Petroleu no Rekursus Minerais (MPRM) Lansa hikas kursu lian ingles ba komunidade afetadu Suai Supply Base(SSB) iha Aldeia Sanfuk, Suku Kamenasa, Munisipiu Covalima hodi kapasita no empodera juventude sira atu prepara bele servisu iha projetu tasi tasi mane.
Ministeru Petroleo no Rekursus Minerais Fransisco da Costa Monteiro dehan, antes ne’e governu liu husi MPRM servisu hamotuk ho Sols loke ona kursu lian Ingles ba Komunidade Afetadu SSB maibe paradu tian maki ha tinan 2025 foin lansa hikas atividade kursu ne’e ba komunidade afetadu nia oan sira.
“Ohin ne’e aktivdades semples ida atu marka hanesan inisiativa ida ne’ebé uluk kedas halo husi Governo liu husi Ministeriu Petroleu no Rekursus Minerais nomos Timor Gap sira para ita tenta saida mak ita bele atu kapasita no mos empondera komunidade sira iha area ne’ebé maka afetadu husi projetu sira Nasional nian, liliu projetu tasi mane iha espesifikamente Munisipiu Covalima ne’e maka Suai Supply Base ho komponente sira ne’ebé maka asosia ba iha ne’eba. Ministeriu Petroleo ho nia identidade sira iha aktividades barak tebe-tebes iha tinan barak nia laran maibe mos ba oin sei barak tebes iha Munisipiu Covalima ida ne’e tan ne’e ho komunidade sira nia husu pedidu no mos komunidade sira nia kolaborasaun kontribuisaun, imi hare uma ne’e liu husi lia nain señor Jorge hamutuk ho nia komunidade hari hodi husu apoiu ne’ebé maka bele husi ministeriu ho nia identidade sira inisiativa ida kursu lian ingles mais halo la’os husi ema baibain halo husi SOLS ke diak tebes ami iha esperensia di’ak tebes ho sira, sira la’os hanorin ita hanorin Joven no mos alin oan sira ne’ebé maka iha hanoin hakarak atu aprende ingles maibe mos sira iha metodu ida para hali nusa maka labarik ho joven sira bele iha korajen ko’alia aprejenta an aprejenta sira nia hanoin ida ne’e di’ak tebes ne’e forma ida ita bele empondera ita nia komunidade lokal” MPRM Fransisco da Costa Monteiru
Prezidente Autoridade Munisipiu Covalima Miguel Armada Cardoso “Razao” Apresia ho Governu liu husi MPRM ne’ebé loke fali Kursu lian Ingles tan bele fasilita covalima nia oan sira atu bele asesu ba servisu iha nivel Nasioanl no mos ba servisu iha estranjeiru.
“Kursu lian ingles ne’ebé mak inisiu iha 2011 ho 2012, rezultadu iha tanba funsionariu barak mak servisu ona iha Dili no funsionariu barak mos servisu iha Munisipiu Covalima no barak liu tan mak agora iha Australia, iha Korea, iha fatin seluk, Ita Agradese ba iha Ministeriu Petroleo no Rekursus Minerais ita iha Ministeriu barar barak maibe so Ministeriu petroleu mak iha hanoin di’ak ida hodi loke kursus lian ingles iha ita nia Munisipiu” PAM Covalima, Miguel Armada Cardoso “Razão” dehan.
PAM Covalima, Miguel Armada Cardoso “Razão” enkozara Juventude sira iha Covalima atu partisipa iha kursu lian Ingles ne’e hodi prepara futuru ida ne’e di’ak no bele sai lideransa troka lider tuan sia hodi lidera Instituisaun balu iha Munisipiu Covalima. Nia mos husu ba Juven sira atu hakribi violensia hodi kontribui ba estabilidade iha Covalima.
Jornalista: Alfredo Barreto
Editor : Chamot Nahac
