COVALIMA—–Komandante Polisia Nasionàl Timor-Leste (PNTL), Munisípiu Covalima, Super-intendente, Polisia Basilio de Jesus, hatete Ministériu Públiku (MP) autoriza ona Komando PNTL Munisípiu Covalima atu deporta fila fali sidadaun Indonezia Na’in-5 hafoin lori sira nia ró atraka area tasi ibun Aldeia Loo, Suku Suai-Loro, Postu Administrativu Suai, iha Domingu (05/02) foin lalais ne’e.
“Ohin ultimu dia atu bele deporta sidadaun na’in-5 ho sira nia ró ba Indonezia, tamba horseik loron Tersa ita kordena ona ho Ministeriu Publiku, no MP haree ona asuntu sira ne’e, verbalmente senhor prokurador Koordenador Munisípiu Covalima nian autoriza atu komando PNTL Munisípiu Covalima sidadaun Indonezia Na’in-5 ne’e inklui sira nia ró ne’ebe sira lori agora at area tasi ibun postu Unidade Polisia Maritima (UPM) destaka iha Suku Suai-Loro” informa Komandante Polisia Nasionàl Timor-Leste (PNTL), Munisípiu Covalima, Super-intendente, Polisia Basilio de Jesus, ba jornalista sira iha nia kna’ar fatin Komando PNTL Munisípiu Covalima, Kuarta (08/02).
Komandante dehan, sidadaun Indonezia Na’in-5 ne’e laos polisia kaprura, sira na’in-5 laos tama ilegalmente iha teritoriu Timor-Leste, maibe sira ne’e bele dehan katak Pasazen inosente, pasanzen inosente katak sira ema Indonezia, ema hotu hatene tasi teritoriu Timor-Leste baliza ho tasi teritoriu Indonezia nian. Ne’ebe konforme saida sidadaun sira ne’e relata mai iha polisia katak sira iha tasi livre, tasi livre ne’e kuaze kilometru 200 ba leten husi tasi TL ne’ebe fronteira ho tasi Indonezia, bainhira sira iha tasi livre ho ondas laloran tasi boot no anin boot hodi halo at tiha sira nia ró iha ne’eba, entaun saida maka sura twnta atu bele salva an hodi buka moris, tan ne’e sira buka meus atu bele atraka ba iha fatin trestra ne’ebe besik liu, tanba ne’e sira hili fronteira Sul area Covalima sira heteke dehan ida ne’e mak besik liu hodi bele mai atraka ba.
“Bainhira sira nia ró at ona iha tasi laran, sira buka meus tun sae atu hodi salva sira nia-an sae mai iha rai leten, tanba ne’e sira buka meus oinsa atu bele atraka ba iha fatin trestra ne’ebe mak besik liu ba sira, entaun ita nia tasi parte fronteira Sul area Covalima, sira hateke ita nia trestra ne’e mak besik liu sira buka meus hodi mai ataraka iha nia teritoriu tasi Timor-Leste, tan ne’e iha domingu foin lalais ne’e sira mai atraka duni tasi ibun Suku Suai-Loro nian ba.kedas ita nia polisia Maritima sira hodi entrga mai iha komando PNTL Munisípiu Covalima hodi prosesu investigasaun” komandante relata.
Nia dehan komando munisipiu ninia servisu liliu parte seksaun investigasaun atu bele hatene loloos lalaok sira nia problema ida ne’e, tan ne’e bele dehan sira inosente ne’ebe sira laiha objetivu atu mai tama iha area juridiku tasi teritoriu Timor-Leste, maibe tanba sira nia ró at iha tasi laran sira buka meus tenta atu salva guarda sira nia vida sira hodi mai atraka tasi teritoriu Timor-Leste iha Suku Suai-Loro, Postu Suai, munisípiu Covalima.
Komandante haktuir komando laos deporta deit sira na’in-5 mesak maibe deporta mos sira nia ró ne’ebe oras ne’e kondisaun at hodi atraka ona iha tasi ibun Suai-Loro nian.
Entertantu sidadaun Indonezia na’in-5 ne’ebe ho ró fiber sai Rote Indonezia iha loron 24 fulan Janeiru no atraka iha tasi ibun Suku Suai-Loro, Postu Administrativu Suai, iha loron 05 Fevereiru 2023, sidadaun Indonezia Na’in-5 mak hanesan Dalham WR, Herman, Hamka, Mahmur Adymatu no Aswat Ikram.(Azu)
