Covalima-RCCT- Ministerio das Obras Públikas(MOP) hala’o sosializasaun iha Salaun Administrasaun Municipio Covalima konaba prosessu aprovejionamento tenderizasaun no prosessu pagamento ba kontraktor sira.
“Objetivu husi sosializasaun ne’e, atu hasa’e kotraktor sira nia konhesimento konaba oinsa lala’ok prosessu tenderizasaun husi Ministerio das Obras Públikas, atu nune’e bele prepara kontraktor sira, bainhira actividades tenderizasaun ne’e iha, no fasil ba sira hodi bele asessu”. Afirmasaun ne’e hato’o husi Ofisial Aprovejionamento Ministério das Obras Públicas Mateus Araujo Martins ba RCCT Segunda Feira (11-10-20) iha Salaun Administrasaun Municipio Covalima.
Mateus mos dehan liu husi Sosializasaun ne’e bele mos bele hakle’an liu tan kontraktor sira nia konhesementu liu liu kona ba Prosesu tendirizasaun husi Ministerio Obaras Publiku (MOP), nia hatutan Tenderizasaun husi MOP ne’e nakloke ba ema hotu atu bele Apply.
“Husi programa sosializasaun bele ne’e bele fo konhesimento liu konaba oinsa lala’ok prosessu tendirazasaun husi ministerio das obras ninian” Mateus Hatutan.
“prosessu tenderizasaun husi MOP nakloke ba kontraktor hotu, atu nune sira bele iha konhesimento klean liu hodi bee asessu” ( Dehan Ofisial Aprovesionamento Mateus Araujo Martins ) tenik Mateus.
Iha fatin hanesan partisipantes iha Sosializasaun ne’e Amaro Amaral hanesan Diretor kompanha Damalelo Unip.Lda, sente orgulho ho sosializsaun ne’e, tamba durante ne’e sira tuir prosessu tenderizasaun maibe seidauk komprende lolos ninia prosessu tenderizasaun, tanba ne’e liu husi oportunidade ne’e sira bele komprende di’ak konaba prosessu tenderizasaun no oinsa elabora dokumentos atu priense iha prosessu tenderizasaun.
“ Sosializasaun ne’e kapaz tebe-tebes, tamba bele fahe ona esperiensia ne’ebe iha mai ami, tamba durante ne’e dala barak ami tuir prosessu tenderizasaun maibe ami seidauk hatene lolos ninia prosessu ne’e oinsa, maibe ho oportunidade ida ne’e ami bele komprende lala’ok tenderizasaun inklui atu elabora dokumentos sira ne’ebe atu priense iha prosessu tenderizasaun ida ne’e” katak Diretor Kompanya Damalelo Amaro Amaral.
Tuir informasaun nebe RCCT assesu, Sosializasaun ne’e hala’o kada tinan, hodi fo konhesementu ba kontraktor foun sira hodi bele komprende kona ba prosesu tenderizasuan husi MOP, no programa Sosializasaun MOP nian ba tinan ne’e sei hala’o iha Municipio 11, no ba dadaun ne’e hala’o ona iha Municipio 3, mak hanesan munisipio Aileu, Ainaro, Covalima no sei kontinua hala’o iha municipio sira seluk.
Nune’e sosializasaun iha Covalima ne’e, partisipa husi kontraktor na’in 20 iha Salaun Administrasaun Municipio Covalima Segunda (11-13-20).
Jornalista : Tynho Gusmão
Editor :Chamot Nahac
