Chefe Estado Maior General das FALINTIL-Força Defesa Timor-Leste (F-FDTL) Major General Lere Anan Timur, rekonese Soldadu Nova Zelandia Saudosu Leonard William Manning ne’ebe mate iha Foho Debu Lulik, Suco Nanu, Postu Administrativu Fatumea, Municipio Covalima hanesan Heroi ba Timor-Leste no mos Heroi ba Nova Zelandia.
Jornalista : Tinho / Jhony
Editor : Chamot Nahac
Infomasaun ne’e hato’o wainhira Chefe Estado Maior General das FALINTIL-Força Defesa Timor-Leste (F-FDTL) Major General Lere Anan Timur, Sexata Feira (24 /07 /2020 ) hafoin fo ondra ba saudozu Leonard William Manning membro forsa Nova Zelandia ne’ebe mate iha tinan Rua nulu (20) liu ba wain hira hala’o misaun nasoens unidadas ninian iha Postu Fatumea, Municipio Covaliam.
“ Saudosu Leonard Willian Manning nia mate ne’e ha’u rekuinhese hanesan Heroi ba Timor Leste no ba Nova Zelandia, Saudoso mai hosi nasaun Nova Zelandia, no nia kompri duni ninia misaun hanesan ema militar, hodi hala’o misaun nasoins unidas hanesan forsa Interfet iha Timor kontribui hodi ba Timor to’o lakon nia vida, tanba tiru hosi Grupu Miilisia Pro Intergrasi Ablai husi Same iha Foho Debu Lulik, Suku Nanu Posto Administrativo Fatumea iha dia 24/07/2000.” Dehan Komandante Lere Wainhira Partisipa iha serimonia hanoin hiar loron mate Lenn Manning ba dala 20 iha Foho Debo Lulik Sexta feira ohin (24/7/20)
Aproveita Opotunidade Lere Timur husu ba Povo Timor Leste liuliu Povo Covalima atu rekonese no labele haluha saudozu Leonard William Manning nia kontribuisaun hodi mate iha linha fronteira tamba hakarak asegura siguransa ba Povu Timor Leste.
