Covalima RCCT – Terezina Gusmão idade 44, moris ho kondisaun, difisiensia iha Aldeia Lela Suco Hopilat Posto Administrativu Maukatar ba dadaun ne’e, uja ai-tonka hodi kompleta ninia ain ain sorin K’wana/Loos nebe nia lakon iha tinan 4 liu ba kotuk (2016) wainhira sai vitima ba asidente kareta anguna baku fila iha Aldeia Lela, Wainhira hakarak la’o ba fatin ruma no hala’o ninia aktividade hodi sustenta necessidade loro-loron nian Ama Terezinha tenki tonka nia isin lolos ho Ai nune’e nia bele hakat hanesan ema sira seluk nebe la’o no hakat normal uja ain rua.
Ama Terezina lakon ninia ain sorin K’wana/loos iha tinan 4 liu kotuk, iha tinan 2016, nebe sai vitima husi asidente kareta baku fila iha aldeia Lela suku Holpilat, wainhira Ama Tezinha atu halo viazen husi ninia hela fatin Aldeia Lela atu ba Kapital Postu Administrativu Maukatar hodi ba trata dokumentus Bolsa da Mãe.
Ama Terezenha Gusmão nia La’en Naran Jose Gusmão, Nia mane ida nebe di’ak no iha domin bo’ot ba Terezinha ho sira na’in 2 nia oan na’in 6, maibe Maromak Hadomi liu Apa Jose tan ne’e, Maromak hafahe Apa Jose Gusmão, ho Ama Terezinha Gusmão no sira nia oan na’in 6 iha 2016
Tan ne’e ikus mai Ama Terezinha tenki simu todan mesak hodi toma responsavelidade mesak sira nia oan na’in 6 liu husi servisu maka’s no pasensia hodi sustenta ba nesesidade hotu iha uma laran no haruka oan sira ba eskola.
Maske nune’e hanesan Inan ba Oan na’in 6 nebe kompostu husi feto na’in 4 no mane na’in 2, Feto Faluk ne’e hala’o ninia moris la depende ba ema seluk nia tulun, maibe ho pasensia nia hakat nenein uja ai tonka hodi halo to’os nebe lokaliza besik nia uma, nune’e bele halo produsaun argrikultura hodi sustenta nesesidade uma laran ninia no haruka oan ba eskola.
Tuir Ama Terezinha Haktuir ninia Istoria moris lor-loron nebe nia hasoru ba Jornalista RCCT, Tynho Gusmão wainhira halo Vizita ba Ama Terezinha nia rezidensia iha Aldeia Lela, Suco Holpilat, Postu Administrativo Maukatar. Tuir mai Terezinha Gusmão haktuir nia Istoria
“Ha’u nia oan nain 6 deit, hamotuk ba feto na’in 4 no mane na’in 2, iha ha’u nia uma laran ne’e ha’u ho ha’u nia oan sira la depende ba ema ida, maske ha’u moris ho kodisaun difisiensia, maibe ha’u mak halo to’os hodi kuda batar no aiferina, hodi ida ne’e maka ha’u sustenta ami nia nessecidade uma laran nian, depois ha’u kuda batar tia ha’u nain maka hafaho”hamos” du’ut, Ha’u la’o araska, maibe tenki halo to’o, se la halo ne’e, ema se maka atu buka aihan ba ami, ha’u nia laen mos mate tiha ona, tamba ne’e ha’u maka naran halo to’os ki’ik oan ida ne’e”Terezina Gusmão haktuir nia Istoria ba RCCT iha ninia K’nuk Aldeia Lela Domingo (18-10-20).
Inan faluk nebe moris ho kondisaun difisiensia ne’e hatutan nia istoria, ba dadaun ne’e nia oan na’in ida maka akaba ona nia estudo iha Ensinu Basiku (SMP) maibe labele kontinua ba estudu iha ensinu sekundaria tanba nia laiha kibi’it atu haruka ninia oan ba kontinua tan iha Ensinu sekundaria, no seluk hala’o hela sira estudo iha Eskola Baziku Filial Lela.
Ama Terezinha Konfesa, ho kondisaun difisiensia nia labele suporta ninia oan sira atu bele kontinua sira nia estudu ba to’o nivel Ensino Sekundaria to’o Uversitario tanba durante nia halo deit to’os no hakiak deit animal hanesan fahi no manu, no ida ne’e la to’o atu uja hodi haruka oan sira ba eskola no mos uja ba sustenta nesesidade uma laran ninian. Tenik Ama Terezinha konta ho lian maternal.
Terezina Gusmão kontinua konta ba Jornalista RCCT Atino Gusmão. “ Agora ne’e, o nia alin feto naran Julia ne’e, nia akaba ona iha SMP, maibe nia la lanjut ba SMA, tamba ha’u osan la iha haruka nia atu ba eskola, karik oras ne’e nia apa ne’e sei moris, ami nia moris terus maibe sei la terus liu hanesan ne’e, maibe ho pasensia ha’u koko atu suporta sira ba eskola maibe la to ba iha nivel sekundario, tamba ha’u hanesan inan faluk no moris ho difisiensia tan, ne’ebe ha’u nia kbi’it la to’o atu suporta sira ba eskola, Iha ha’u mos hakiak deit animal hanesan bibi, manu nsst, depois ha’u fa’an no osan ne’ebe ha’u hetan husi faan animal ne’e, balu ha’u uja hodi sustenta familia uma laran, no balu hau rai hodi responde ha’u nia oan sira nia nesecidade eskola nian bainhira sira husu”Terezina Gusmão Konta.
Ho matan ben nakunu iha matan laran Feto Faluk nebe moris ho Kondisaun Difisiensia ne’e kontinua konta ba Jornalista RCCT Atino Gusmão, dehan, kuandu Nia La’en Jose Gusmão sei moris Karik, maske nia moris ho kondisaun difiensia maibe sira nia oan na’in 6 sei la moris terus hanesan agora sira hasoru dadaun.
Maibe Inan Faluk ne’e konsidera, moris iha mundu ne’e hanesan viazem ida deit nebe ita ema hala’o, tamba ne’e nia intrega tomak kondisaun ba Aman Maromak hodi regula nia moris ida ne’e, tamba nia fiar katak, k’solok rohan la’ek maka iha reino Lalehan.
“Ha’u intrega tomak situasuan no Kondisaun ida ne’e ba maromak atu bele tetu ba hodi tau matan mai ha’u ho ha’u nia oan sira, tanba ita moris ne’e hanesan viazen ida deit iha mundu ne’e, tanba ha’u fiar katak Haksolok rohan laek hotu hotu ne’e so moris iha reinu lalehan hanesan ha’u nia oan na’in 6 nia apa horik ba agora dadaun ne’e.”Ama Terezinha hakotu ho lian nebe nakonu ho motivasaun no hatudu jestu nia feto ida nebe forti ba nia oan na’n 6.
Jornalista : Tynho Gusmão
Editor : Chamot Nahac
