Covalima (RCCT) 17-01-25-Komisariu-Membru Konsellu Kombatente Libertasaun Nasionál, Francisco Doutel Sarmento “Lamesak” sei esforsu hamotuk ho Veteranu segundu rejistradu 2009 ne’ebé lamentavel ho lista edital tanba konsidera mosu erru no la justu hodi hamosu manipulasaun ba duransaun tempu partisipasaun luta, basa duransaun ba partisipasaun luta iha Fixa diferensia ho lista edital ne’ebé publika iha loro 15 fulan janeiru 2025.
Lamesak dehan erru ne’e mosu tanba Ministeriu la involve estrutura Konsellu Kombatente Libertasaun Nasionál iha Musinipal hodi halo validasaun ba dadus ne’ebé antes ne’e halo ona verifikasaun. Tanba ne’e Lamesak dehan sei hala’o reuniaun ho sekretariu zona hitu no Nurep no Selkom sira hodi prepara deklarasaun no formulariu hodi hato’o lamensatasaun no ijizensia ba Ministeriu Asuntu Kombatentes Libertasaun Nasionál hodi fo solusaun.
“Hanesan Maun ba imi ha’u prontu atu resposabeliza ba imi nia probelma ne’ebé infrenta iha loron tolu nia laran ne’e, ita bo’ot sira halo manifestasaun iha nia edifisiu, hanesan maun ha’u simu, ita bo’ot sira kalma ituan situasaun, durante loron ida ka rua ne’e ami sei halo reuniaun ho sekretariu zona, nurep sira, para sira ida idak fo hanoin, hodi ita asina akta ida lori ba iha Ministeriu Asuntu Kombatentes Libertasaun Nasionál, tanba ne’e tenki print out fali imi nia fixa para hodi hare” Komisariu Konsellu Kombatente Libertasaun Nasionál, Francisco Doutel Sarmento “Lamesak”.
Lamesak mos informa katak akontese erru ba lista edital veteranu 2009 ne’e la’os mosu deit iha munisipiu covalima, maibe ida ne’e akontese iha teritoria nasional.
“Lao’os iha ne’e deit maibe munisipiu 13 tolu ne’e hanesan deit, hanemos imi halo agora. Kompotensia Ministru nian mak haruka ami asina edital, la’os ami mak halo validasaun dehan hatun ida ne’e ba zero a tres, ida ne’e ba menus tres, ida ne’e menus kuatru, ida ne’e la’os ami” tenik Lamesak.
Lamesak dehan kuandu validasaun mak bazeia ba rezultadu verifikasaun no bazeia ba fixa maka maioria ema hotu hetan pensaun ho durasaun tempu 8 a 14 maibe ho rezultadu validasaun ne’ebé hala’o direta husi Ministeriu Asuntu Kombatentes Libertasaun Nasionál mak halo ema hotu la satisfas. Maibe Lamesak prontu resposaveliza no esfosu hodi buka solusaun ba veteranu segundu rejistradu 2009 sira nia disatisfasaun liu husi organiza veteranu sira iha covalima hodi halo akta no haruka ba iha Ministeru Asuntu Kombatentes Libertasaun Nasionál no mos Prezidente Kombatentes da Libertasaun Nasional.
Jornalista : Moichung
Editor : Chamot Nahac
