COVALIMA-RCCT-08-01-21- Ho situasaun Pandemia Covid-19 no implementasaun Estadu Emerjensia Baraka Suai Loro nebe mak uluk nakonu ho vizitantes oras ne’e dadaun vizitante menus no sai mamuk. Tanba vizintante tenki kumrpi regulamentu Covid-19 liliu distasiamentu sosial.
Tanba ne’e Vendedora Amelia Barros informa ba RCCT antes Timor Leste Infrenta Situasaun Covid-19, Vizitante barak mak ba vizita ami hodi sosa ami sasan iha Baraka Suai Loro, maibe depois de Situasaun Pandemia Covid-19, vizitante hahu menus ona no sai la iha tamba polisia sira sira hein kedas iha fatin refere
“ Uluk Covid sedauk tama ne’e, ami nia katupa ho ikan nebe mak ami fa’an ema hola di’ak tamba ema iha ita nia Municipio sira mos mai vizita hela deit no dala ruma ema husi Municipio seluk mos mai vizita no ema servisu bot sira iha dili mos babain mai han iha ne’e.” Dehan Vendedora Amelia iha Baraka Suai Loro Quiata Feira (07-01-21)
Vendedora Amelia mos dehan antes situasaun Pandemia Covid-19 ne’e, kada loro nia hetan rendimentu to’o dolares amerikanu 60 ba leten.
“uluk ne’e loron ida ami bele hetan rendemento bele to’o dolares neen nuluh (60) ba leten, menus liu mak kada loron hetan bele hetan osan dolares 30 resin, maibe depois de situasaun ne’e aihan hanesan ketupat no ikan nebe ami faan ne’e ema la hola tanba iha ne’e laiha vizitante hanesan babain.” Tenik Amelia Barros ba RCCT.
Vendedora Amelia Barros Akresenta durante implementasaun Estadu Emerjensia (EE) nia laran ai-han hanesan ikan no ketupa nebe sira prepara atu faan iha baraka dala ruma prepara deit ba dolares 5 nian, maibe deves enkuandu ema la hola, maibe Amelia Barros dehan hanesan negosiante ho pasesia nia fa’an nafatin tamba ida ne’e mak nia atividades loro loron nian.
“ Iha Estadu Emerjensia nia laran ne’e hahan nebe mak ami tein hanesan katupa ho ikan ida dala ruma ema bele mai hola deit to’o Dollares Amerikanu 5, dala ruma mos loron ida tomak ema la hola husi dader to fali kalan.” Amelia Salienta.
Amelia dehan hahan nebe sira fa’an ema la hola, nia fob a vizinu sira tanba nia la bele faan fali iha loron tuir mai (aban), no Amelia konsidera ai-han nebe sira faan la folin ka ema la sosa ne’e hanesan sorti aat nebe sira infrenta durante halo negosio fa’an ketupat no ikan iha Barak Suai Loro.
“Entaun ami senti lakon los tamba hahan hirak ne’ebe mak ami fa’an estraga hotu karik iha hahan balu ne’e mak sedauk sin, ami foba vizinho sira karik sin ona entaun hakarak ka lakoi tenki soe ou fo animal sira, maibe ami nafatin pasensia hodi fa’an tamba ida n’ee mak ami nia servisu no hahan hirak nebe mak estraga ida ne’e mak susar nebe ami hasoru iha loron nebe la’os ami nia sorte.”Amelia barros Hakotu
Jornalista : Jhana Cardosa
Editor : Chamot Nahac
