Covalima (RCCT) 31-01-25-Hafoin hare tian Video ne’ebé lansa iha Sosial Media Facebook ho duransaun durasaun Menitu 02:07, ema balu dun Lamesak halo kombransa hanesan osan, material konstrusaun no animal inklui osan mean (assesoria) husi kandidatu veterana rejistradu 2009 balu ho razaun atu ajuda halo pasa iha prosesu verifikasaun dadaus veteranu/a.
Ho Nune’e Francisco Doutel Sarmentu (Lamesak) konsidera Informasaun ne’e la los tanba nia nunka halo kombransa husi kandidatu veteranu sira liu liu iha veteranu rejistradu 2009 no verifika iha tinan 2019.
Lamesak mos Deklara iha momonetu ne’eba nia mai hanesan xefe ekipa verifikasaun no mos hanesan Komisariu i membru CCLN. Tanba ne’e nia parte lahatene konaba planu husi komisaun organizadora ba vefikasaun nian husi apoiu husi kandidatu veteranu/a rejstradu 2009 ne’ebé verifika iha 2019.
“Halo kobransa ne’e lalos tanba ita nia Xefi suku mos iha ne’e kedas iha momentu ne’eba sira mak prepara hein ami hodi forma komisaun ki’ik ida para atu simu ami. Sira halo defamasaun ba ha’u, ne’ebé ha’u presija liu mak evidensia tenki forte se evidensia la iha mak sira tenki jaga ha’u nia naran halo morin” Komisariu Kmnbatentes Libertasaun Nasional Munisipiu Covalima, Francisco Doutel Sarmento “Lamesak” Lamenta.
Lamesak Deklara katak Dun nia husu osan mean (Korenti no Kadeli) atu fo ba nia espoza, ida mos lia falsu tanba Korenti no Kadeli mean ne’e Nia Na’in mak fa’an ba Lamesak nia espoza ho folin (Korenti mean Folin $ 600, Kadeli Folin $ 100 aumenta ho Briku osan mean ida).
“Korenti, iha dader deit nia mak lori mai atu fa’an ba ha’u nia ferik oan, sosa ho $ 600, Momentu ne’e lia metan ida kona nia mak nia mai fa’an, entaun ha’u nia ferik oan mai husu ha’u mak ha’u dehan sosa ba tanba susar kona nia. Sei iha tan kadeli ida ne’ebé nia fa’an halo $200 maibe tanba nia hakarak fali ha’u nia ferik oan nia brinku naruk ida maka fo deit $100 no Brinku ne’e troka ho ninia kadeli. To’o ikus sira halo desfamasaun ba ha’u, ne’ebé sira persija evedensia forti selae sira tenki jaga fali hau nia naran di’al ” Lamesak esplika.
Nia dehan la obriga ema ida atu fo material konstrusuan hanesan semente no obriga ema atu halo servisu gratiuta ba nia.
“Konaba Sementi. Ita Timor iha kultura ida, exemplu ha’u ba konvida ita bo’ot atu mai halo servisu iha ha’u nia uma, ha’u la obriga ita bo’ot sira mai atu lori, ita bo’ot mak na’in lori, ha’u la obriga. Ha’u mos hanesan, se susar kona ita, ha’u ba la’os la’o deit ho ain tanan (mamuk) ha’u ba tenki ho sementi ka fos ou buat seluk tan” Lamesak.
Lamesak lamentavel tebes ho informsaun ne’ebé ema balu lansa iha Sosial media ne’e, tanba konsidera laiha evidensia ka faktus, ho nun’e nia sei levanta kazu ne’e tuir dalan legal hodi prosesa tuir lei ne’ebe Vigora ona,
“Ha’u Prosesa nafatin ema ne’e lori ba tribunal, tanba ita hotu hotu iha lei nia okos, hakarak ka lakohi ita tenki ba, para hadi’a fali ha’u nia naran halo morin” Lamesak Optimista hakarak levanta kazu ne’e tuir dalan legal hodi prosesa tuir lei ne’ebé vigora.
Lamesak husu ba ema hotu no nia maluk veteranu sira atu la bele fiar ba lasu informasaun ne’e tanba nia rasik konsidera iha lia falsu ne’e atu defama nia ho familia.
“Komesa ohin dia 31 de Janeiru, ha’u husu ba maluk sira atu para ona ho video ne’ebe viral ne’e, ema odio no desfama ha’u tanba ema laran moras, tanba partidarizmu, grupuizmu, tanba sira nia ambisaun mak ho ida ne’e sira hakarak hatun ha’u” tenik Lamesak.
Tuir informasaun konaba video ne’ebé foin lalais Viral iha Sosial Media Kona ba Veterano/a balu iha momentu halo Verifikasaun dadus Segundo registu 2009 ne’ebé hetan promete husi Comisario Conbatentes Libertasaun Nasional Munisipiu Covalima, Francisco Doutel Sarmento Codigo “Lamesak” dehan atu hetan kategoria Konbatente Libertasaun Nasional ho durasaun tenpu 8 a 14 mabe ho rezultadu husi naran edital ne’eb taka sai iha lorn 15 fula Janero Veterana Ijabel de Araujo Codigo “Ran Fakar” hetan deit durasaun tenpu Menus de Tres Anos
Entretantu Iha Video ne’ebé Viral ho Durasaun Minutu 01:07 ne’e temi no dun Francisco Doutel Sarmento “Lamesak” katak promete ba kandidata veteranu na’in ida husi Asurai Suku debos atu hetan kategoria ba kombatente Libertasaun Nasional ho durasaun tempu 8 a 14 ne’ebé sei hetan pensaun kada fulan, maibe tenki fo ba Lamesak, Sasan no osan hamotuk $.25, Tais Mane ida, manu aman bo’ot ida. fahi aman bo’ot ida lori halo lia Lamesak nian, husu ho obriga korenti osan mean 20kg ida, sementi saku ida lori halo Lamesak nia uma, fos saku ida, servisu gratuita halo lamesak nia Uma.
Maibe Francisco Doutel Sarmento “Lamesak Konsidera ida ne’e lalos no falsu tanba ne’e nia sei halo prosesa tuir dalan legal, tanba sidadaun hotu moris iha lei nia okos.
Jornalista:Moichung
Editor : Chamot Nahac
