Covalima-RCCT-Prezidente Konselho Veteranos Munispio Covalima Alvaro do Nascimento “SESURAI” Afirma kriteria ba veteranos nia oan sira nebe mak atu rezistu naran hodi tuir teste ba eskola iha Universidade Timor Lorosa’e (UNTL) tenke lori dokumetus sira hanesan eleitoral, sertidaun batismo, sertidaun RDTL,no foto kopia diploma eskola no seluk seluk tan, lia ne hato’o iha Edifisiu Konselu Veteranu Covalima, iha Tabako Lot Suai, Debos Tersa Feira (6-10-20).
Prezidente Veteranu Covalima ne’e mos dehan Lista Veteranu sira nebe nia oan atu mai rezistu ba kadidatura Estudante UNTL mai husi Nasional, tan ne’e Veteranu Covalima mos tenki apar ho lista numeru Edital ba Veteranu nebe iha.
“Entaun iha ne’e lista araska tebes, lista ne’e mai husi Nacional se nia lori lista ne’e ami sei hare lista ne’e nia apa nia naran iha kalae?, se nia apa nia naran laiha ami labele simu, karik nia aman ka nia inan foin registu 2019- 2020 nebe mak seidauk passa ka hetan edital, ne’e sei da’uk bele.”,dehan prezidente Konselho Veteranos Covalima SESURAI
Maibe SESURAI mos dehan rezistrasaun ne’e fo oprtunidade ba vetrasnus Covalima sira nia oan hotu tamba ne’e la iha limitasaun ba veteranus nia oan sira nebe mak hakarak rezista hodi assesu ba eskola iha UNTL Nia kontinua depois halo Registrasaun tenki ba tuir teste husi teste ne’e termina Veteranu husi Covalima nia oan ida nebe mak merese atu ba eskola iha UNTL.
”Tuir ha’u nia hanoin registrasaun ne’e labele iha limitasaun, tanba wainhira ita halo limitasaun mak bele hamosu mos Problema, nune’e iha registrasaun ne’e ita simu deit se mak mai regista, tamba sei iha teste, terminasaun ba se nia oan mak liu hodi ba eskola iha UNTL mak liu husi teste ne’e”Katak SESURAI.
Tuir informasaun ne’e RCCT assesu katak registrasaun ba Veteranu Covalima nia ona hodi sai kandidatura ba estudante UNTL ne’e sei hala’o durante loron 3 nebe hahu segunda feira (05-10-20) to’o Quarta feira (07-10-20), iha edifisiu Konsellu dos Kombatentes da Libertasaun Nasional, Bairo Tabako Lot, Suco Debos, Suai-Covalima.
Ekipa Koberura : Asato Soares, Ade Gorete & Iban
Editor : Chamot Nahac
