Covalima (RCCT) 05-02-25-Komandu Polisia Nasional Timor Leste (PNTL) Munisipiu Covalima, lideradu Komandante Unidade Baze Teritorial Munisipiu, Superintendente Assistente Polisia Inacio Amaral iha nia Mandatu dahuluk hala’o Inspesaun fiziku ba kareta no motorizada PNTL Covalima nian hodi hatete kondisaun nune’e bele utiliza hodi hala’o servisu iha area juridiku Covalima no mos atende servisu iha nasional.
Nune’e Komandante Inacio Amaral, relata, sei hala’o uluk inspesaun ba kondisaun fiziku kareta no motorizada, nia mos dehan membru PNTL Covalima hotu ne’ebé atu kondunsa motorizada no kareta tenki iha karda kondusaun ne’ebé validu, nune’e bele sai ezemplu di’ak ba komunidade sira.
“Alende halo Inspesaun ba fisiku kareta nian, ohin Ita mos halo Inspesaun ba Motorista Sira Nia Karta kondusaun iha ka Lae? sei validu ka lae? tanba hanesan Polisia iha Nasaun Timor Leste ami mak tenke sai exemplu, hanesan aparelu ba ema hotu, entaun ami mak tenki iha karta kondusaun uluk depois Karta kondusaun tenki validu bainhira Ita kondus kareta ou motor” Komandante Unidade Baze Teritorial Munisipiu, Superintendente Assistente Polisia Inacio Amaral, esplika.
Komandante Unidade Baze Teritorial Munisipiu Covalima ne’e fundamenta, ita etapa tuir mai sei hala’o mos Inspesaun ba membru PNTL Covalima sira partikulamente, Motorista sira, Liu liu ba Komandante Eskuadra, Tranzitu no Ofisial Polisia Suku sira tenki iha karta kondusaun ne’ebé validu.
“Ohin Primeira etapa iha ua’u nia mandate, pois ha’u simu despaixu ita halo uluk Inspesaun ba Kareta, iha tempu badak sei halo mos Inspesaun ba motorista sira, Liu liu komandante Eskuadra Sira, depois Transito ho mos Ofisial Polisia Suku sira nia motor, iha tempu badak sei halo mos pasa ravista ba sira Nia motorizada atu nune’e Ita bele hatene sira Nia karta kondisaun, motor Sira para atu halo operasaun iha tereinu ka Lae?” Komandante Inacio hakotu.
Entretantu Komandante Unidade Baze Teritorial Munisipiu Covalima, Superintendente Assistente Polisia Inacio Amaral, simu Nomeasaun Servisu husi Komandante Jeral PNTL, nudar Komandante Munisipiu foun hodi Substitui Komandante Munisipiu Sesante, Superintendente Polisia Calisto Gonzaga. Iha loron 11 Fulan Janeiru 2025, Nune’e iha loron 31 fulan Janeiru, Komandante Inacio hala’o ona Reuniaun dahuluk, hodi transmite rezultadu enkontru ne’ebé realiza iha loron 27 fulan Janeiru tinan 2025, iha sala reuniaun Suai Room, Timor Plaza Dili, ba estrutura Komandu Munisipiu Covalima relasiona ho Avaliasaun Servisu tinan 2024 nian, no Orsamentu ne’ebé aloka ba kada Komandu Munisipiu, no mos programa prioridade lima ba servisu PNTL nian.
Jornalista:Moichung
Editor : Chamot Nahac
