Atu Estabelese Relasaun Di’ak Entre Nasaun Rua, Komandante PNTL Covalima Hala’o Vizita Ba Komandu Polisia Malaka NTT Indonesia
MALAKA NTT (RCCT) 09-12-24-Komandante Polisia Nasiona Timor Leste (PNTL) Munisipiu Covalima, Superintedente Polisia, Calisto Gonzaga halo vizita ba Komandu Polisia Malaka, relasiona ho vizita ne’e Segundu Komandante Polisia (Wakapolres) Malaka, Komisariu Polisia (Kompol) Jeri Samzon Puling, Xefe Ops AKP I Wayan Budiasa, S.H, no Xefe Propam AKP Korneli Yanto Pano hato’o seja bemvidu ba Komandante PNTL Covalima iha sala vizita, Kuartel Jeral Polisia Malaka. Segunda-feira, (09/17.
RCCT sita husi Publikasaun 31NUSANTARA.COM https://31nusantara.com/kepala-policia-distrik-covalima-timor-leste-berkunjung-ke-polres-malaka/). Iha vizita ne’e Komandante PNTL Covalima, Superintendente Polisia, Calisto Gonzaga hato’o asuntu balun, inklui agradese ba Ekipa Seguransa husi Polisia Malaka ne’ebé servisu hamutuk hodi asegura eventu Timor Island Adventure 2024, ne’ebé organiza husi Estadu Timor Leste ho rota (rute) hahu iha Rejénsia (Kabupaten) Belu, deskansa iha Rejénsia (Kabupaten) Malaka NTT Indonesia hafoin kontinua ho rute hodi termina iha Timor Leste.
Calisto Gonzaga mos tau esperasa atu bele kontinua hametin kooperasaun ne’e hodi bele kontribui ba hametin relasaun maun-alin entre povu Timor Leste ho povu Indonézia ne’ebé hela iha area fronteira RI-RDTL.
Entretantu Komandante Polisia (Kapolres) Malaka AKBP Rudy Junus Jacob Ledo S.H, S.I.K, liu husi ninia Segundu Komandante (Wakapolres), Komisariu Polisia (Kompol) Jeri Samzon Puling, A.Md, SH, mos agradese ba Komandante PNTL Covalima Timor Leste, ne’ebé hamotuk ho nia membru sira halo ona vizita iha Komandu Polisia (Polres) Malaka NTT Indonesia no mos hola parte hodi akompaña no asegura eventu Timor Island Adventure 2024.
Notisia Reelvante : https://www.rcct.tl/eventu-timor-island-adventure-sikilista-sira-viazen-hahu-husi-fulan-fehan-atambua-too-ona-munisipiu-covalima/
“Ami husi Ekipa Seguransa Polísia Malaka nian sei kontinua monitoriza no asegura atividade ida ne’e iha area juriduku Rejénsia (Kabupaten) Malaka nian.” Segundu Komandante (Wakapolre) Malaka, Komisáriu Polísia, Jeri Samzon Puling, Hateten. “Kami dari Pihak Keamanan Polres Malaka akan terus mengawal dan mengamankan kegiatan ini selama berlangsung di Wilayah Kabupaten Malaka”. Tutur Wakapolres, Kompol Jeri Samzon Puling.
Komisauriu Jeri Samzon Puling mos haktuir konaba Vizita Komandante PNTL Covalima ba Komandu Polisia Malaka NTT Indonesia ne’e ho objetivu atu hato’o agradesimentu ba Lideransa Polisia Malaka no mos atu estabelese amizade no kooperasaun entre polisia iha area fronteira RI – RDTL, Segundu Komandante (Wakapol) Malaka, Komisáriu Polísia, Jeri Samzon Puling, hakotu.
Reportazen RCCT
