Covalima (RCCT) 12-02-25-Komandante Unidade Baze Teritorial Munisipiu Covalima, Superientendente Asistente Polisia Inacio Amaral, hatete membru sira tenke prienxe tripticket atu nune’e bele fasil halo kontrolu ba utilizasaun transporte kareta no motorizada iha oras servisu.
Komandante Unidade Baze Teritorial Munisipiu Covalima, Superientendente Asistente Polisia Inacio Amaral, haktuir palika sistema priense tripticket para bele fasil liu atu kontrola gastu konbustivel ba kareta no motorizada, fasil kontrollu kondisaun trasporte nian no mos membru sira labele utiliza kareta no motorizada fora husi atenmentu publiku tuir servisu polisiamentu nian.
“Atu kontrola movimentu, kontrola gastu mina, kontrola mos se se maka lori transporte depois atu hatene karik mosu asidente ruma kareta ne’e soke, fasil ita atu kontrola se maka lori kareta ne’e, tanba sempre hakerek naran se maka lori nia hakerek priense tripticket ne’e,” informa Komandante Unidade Baze Teritorial Munisipiu Covalima, Superientendente Asistente Polisia Inacio Amaral. iha Komandu PNTL Foin lalais.
Komandante Inacio Amaral, afirma implementa sistema tripticket ne’e vale ba membru PNTL hotu iha Covalima ne’ebé utiliza kareta no motorizada hodi hala’o servisu iha terenu.
“Priense tripticket ne’e se de’it maka lori kareta sai husi komando ka sai husi eskuadra ba patrolia ka ba ne’ebé deit ba atu atende kazu ruma tenki priense tripticket. Buat simples iha ne’eba hakerek se maka utiliza transporte ne’e tau nia naran ho ID, depois nia objetivu ba halo saida, patrolia ka atende kazu ka, depois nia sai ho kilometrazen hira, fila mai iha komando ka eskuadra ho kilometrazen hira?, nia asina fila fali, depois ida ne’e se maka atu sai fila fali entre kondotor ne’ebé hanesan ou la hanesan priense nafatin, loron ida bele priense dala ruma ou dala tolu ne’e depende ba atividades, labele dehan ohin loron ema ida priense ona ne’ebe hein aban maka priense ne’e labele, se ohin loron tomak ida maka kareta ne’e ba mai dala tolu ka dala hat obrigatoriu se maka lori sai tenke priense nafatin formatu.” nia dehan.
Komandante Unidade Baze Teritorial Munisipiu Covalima, Superientendente Asistente Polisia Inacio Amaral, dehan liu husi priense formatu tripticket bele hafasil atu kontrolla membru sira utiliza transporte no kontrolu gastu mina kada loron litru hira mak utiliza ba transporte hodi hala’o servisu iha terenu.
Jornalista : Julio Salinas
Editor : Chamot Nahac
