Covalima RCCT- 27-11-2020 klibur estudante fatululik (KESFAT) organiza programa refleksaun no loke filmagem ho nia tema ’’DALAN BA DAME’’ hodi komemora loron proklamasaun indenpendensia Timor Leste ba da-45.
Coordenador Klibur estudante Fatululik (KESFAT) Orlando da Cruz informa “Programa ida ne’e realiza ho nia objectivu principal atu, hadaet historia libertasaun patria ba otas nurak sira hodi hamoris espritu patriotismu,voluntarismu no haburas valor solidariedade, otas nurak sira aprende hodi labele repete, aktu violasaun passadu, hodi fo onra ba sira ne’ebe sakrifika sira nia a’an ba libertasaun patria.”Dehan Coordenador Klibur estudante Fatululik (KESFAT) Orlando da Cruz, hafoin remata aktividade reflesaun iha Edifisiu Administrasaun Postu Administrativu Fatululik Sexta feira kalan (27-11-20)
Entertantu Administardor Postu Administrative Fatululic Elias Da Cruz, ih nia intervensaun ba refleksaun ne’e, apresia tebes ba programa KESFAT nebe organiza aktividade refleksaun ida ne’e,
“ Programa ida ne’e hodi fo hanoin ba foinsae sira atu banati tuir luta libertasaun nasional, ne’ebe ita nia asuwain sira halo ona iha tinan hatnulu resin lima (45) liuba, husu mos ba veteranus sira atu fo hanoin no fanun nafatin estudante no foinsa’e sira hodi luta ba libertasaun povu ida.”Dehan Administrador Postu Administrativu fatululik Elias da Druz.
Iha sorin seluk Reprsentante Veteranus Postu Administrativu Fatululik Jose Afonsu hateten, refleksaun ne’e hodi hanoin hikas buat ruma ne’ebe mak akontese iha passadu.
“Ita refleta no hanoin fila fali iha tempu passadu, no ita refleta no hanoin iha tempu prezente para labele odiu malu, hodi garante nafatin nudar maun alin hanesan mos futu manu, ida manan ida tenke lakon.”Jose Afonsu hateten.
Engkuantu kalan refleksaun no loke filmazen ne’e realiza iha edifisiu Administrador Postu Fatulik no hetan partisipante maximu husi juventude, estudante, veteranu/a, autoridade local no komunidade sira iha postu administrative Fatululik.
Jornaista : J’Barros
Editor : Chamot Nahac
