Beidasi-Fatululic-Covalima, 24 dezembru 2020, Klibur Estudante no Fatululic (KESFAT) Organiza sertama ba estudante sira iha nivel Ensino basico durante ambinto selebrasaun Natal 2020.
Vise Koordenadór KESFAT Aniceto Moniz haktuir katak “realiza kompetisaun Programa Sertame ne’e nuudar inisiativa Membru KESFAT nian ho objetivu oinsá atu forma karakter alin sira nian, liu-liu hirak nebe mak frekuenta hela iha eskola Bazico sira hodi hada’et valorés relijiaun no kulturais nebe mak avo sira husik hela ba ita nune’e mós hasa’e sira nia mentalidade hodi prepara-an ba futuru rai ne’e nian. Ho hanoin ida ne’e mak KESFAT realiza programa sertame ne’e ba Escola Bazica Filial-EBF lima (EBF Fatuloro, Macous, Taroman, Beidasi no Aitoun) iha Postu Fatululi”Afirma Vice Coordenador KESFAT Aniceto Moniz ba RCCT Quita Feira (24-12-202)
Iha Intervensaun husi Koordenadór EBF-Beidasi Jorge da Cruz haktuir katak Kompetisaun sertame iha ambitu selebrasaun Natal ne’e, oinsá mak atu aumenta labarik sira nia kapasidade (Ne’e Parte husi Kadi kakutak-Tes Mental) ba labarik sira nian, nune’e sujere ba KESFAT ba futuru atu tau aktividade ne’e sai nu’udar programa rutina kada anual tenki realiza.
Antes halo abertura hodi fahe premio ba manan nain Koordenadór EBF-Beidasi Jorge da Cruz, iha ninia Intervensaun haktuir, Programa sertame ne’e importante los ba estudante sira.
“Ne’e biban ida ba ita atu hatene bei-oan sira nia kapasidade ka matenek to’o iha nebe!”
Coordenador EBF ne’e fundamenta “Tanba ne’e, husu ba ita boot sira lalika haree liu ba premiu hirak ne’ebé karik sei fahe ka simu, maibé importante liu mak biban di’ak ne’e imi mós hola parte iha laran.”Tenik Koordenadór EBF-Beidasi Jorge da Cruz.
Engkuantu Rezultadu kompetisaun Sertame ne’e, Eskola Basica Filial-EBF Aitoun sai Primeiru lugar ho valor 950, EBF Fatuloro Segundu Lugar ho valor 775, EBF Beidasi Terseiru Lugar ho valor 725 no EBF Macous kuartu lugar ho valor 625. Iha kompetisaun ne’e EBF Taroman mak la hola parte.
Jornalista: Januario Barros
Editor : Chamot Nahac
