Covalima (RCCT) 16-08-24-Diretór Eskola Baziku Sentral (EBC) Lontale, Placido Guteres senti ofendidu ho palavra balu ne’ebé Superintendente Edukasaun Munisipiu Covalima, Jacinto do Carmo hasai ba nia ho lian maka’as wainhira halo inspesaun iha EBC Lontale, Fim de Semana loron 10 fulan Augustu Foin lalais.
Tanba ne’e Diretór EBC Lontale senti ameasadu, engkuantu desintendimentu ne’e akontese wainhira Superintendente ba halo inspesaun no deteta estudante no manoris sira maioria mak la tama ka falta eskola iha sabadu loron 10 fulan Augustu foin lalais, nune’e hanesan inspesaun sei fo auto ba diretór EBC Eskola.
“Hau la puas tamaba fora de servisu husi Edukasaun Munisipiu Covalima ba investiga ,se lolos ne’e ba oras servisu karik ha’u simu, Depois ba mos la iha respeitu ba hakilar los ha’u, hau la puas ho ida ne’e mak mai hato’ o iha radio Cova Taroman para problema ne’e ba oin, nia dehan atu fo auto ne’e, ne’ebé ha’u prontu hein rezolve, sira dehan alunus sira la mai profesor mos balu tarde no balu la mai ida ne’e ita bo’ot ami fo auto, buat ida auto ne’e problema ka kazu ruma mak fo auto ne’e ha’u simu, tiba tiba dehan fo auto maibe fora de servisu tan, pois ha’u tuir mai iha kantor nia la iha servisu saida mak ne’e sa’e tia bo’ot mak halo fali ida hanesan ne’e ida hanesan ne’e mak atu hamosu problema entre profesor ho Edukasaun ne’e, ida ne’e mak ha’u la puas iha dia kinta ho sesta ne’e dehan sabado ne’e ita halo limpeza tamba ema bo’ot sira atu mai ne’e ita tenki hamos eskola, tamba ha’u senti nia hare deit mak kesalahan maibe nia la hare ema nia di’ak, fora servisu mos nia ba lolos ne’e labele tamba kantor iha loron sabadu taka” Plasido Guteres hatete.
Hatan ba lamentasaun ne’e, Superintendente Munisipiu Covalima Jacinto do Carmo, klarifika antes ne’e rona ona informasun katak profesor balun la tama eskola hodi hanorin estudante sira, ho ida ne’e Superintendente Munisipiu Covalima tun direta ba iha terenu hodi observa, maibe iha terenu akontese simu malu ho lian maka’a entre diretor eskola bazika sentral lontale no superintendente edukasaun covalima.
“Ha’u rona informasaun husi Nasional katak eskola balun mak profesor la tama horin inklui Lontale no mos Eskola EBC Ai-Toun, Agora Lontale iha dia 9 la tama turnu Lokraik la tama, entaun Sabadu dia 10 ne’e ha’u ba tun ba direita ba hare profesor nain hira oan deit i turnu dader ho lokraik tama atu halo limpeza profesor la barak no estudante nain sanulu resin deit, entaun ha’u husu ba Diretór,entaun señor ajuntu mak lori ha’u tama ba husu diretór , diretór estudante sira la iha hotu ne’e nusa ho profesor sira, depois ha’u husu tan horiseik tamba saida mak la tama eskola nia nonok, entaun ha’u husu tan diretór ohin ne’e nusa tama dader ka lokraik nia hatan horiseik Gat avisu ona dehn katak tama dader mais ema la iha hotu turnu dader no lokrak tama hotu mos ema la iha, ne’e mak ha’u husu nia kasar kedas ona ba ha’u, ha’u nudar superintendente nia kasar ba ha’u, ha’u lasimu ne’e ha’u hakarak hatete ne’e hanesan ne’e, agora Inspetor sira sei la’o hela ba akompaña ha’ u abertura ba programa intensivu postu tolu hanesan postu Fatumea, Postu Fatululik no Postu Zumalai , depois de ida ne’e sei tun ba halo auto ba diretór sesante” Superintendente Edukasaun Munisipiu Covalima Jacinto do Carmo espilika.
Entretantu total manorin iha Eskola Bazika Sentral Lontale hamutuk ema na’in rua nulu resin rua no total estudante hamutuk atus hat nen nulu resin hat.
Jornalista : Alfredo Barreto
Editor : Chamot Nahac
