Covalima (RCCT) 31-01-25- Amelia do Carmo rejeita ho deklarasaun Isabel de Araujo katak husu ho obriga atu nia (Isabel) fo Korenti Osan mean ho kilo grama rua ulu (20kg) tanba promesa atu Fransico Doutel Sarmentu (Lamesak) hanesan Amelia do Carmo nia kaben ne’ebé atual assume pozisaun nudar Komisariu Kombatentes Libertasaun Nasional Munisipiu Covalima iha nasional atu halo pasa iha verifikasaun dadus veteran segundu rejistu 2009.
Maibe Isabel de Araujo deklara, simu telefene bebeik husi Amelia do Carmo hodi husu atu Isabel fo ninia korenti (Assesoria) osan mean ho grama rua nulu (20g). Isabel fundamenta wainhira nia (Isabel) Intrega korenti mean ne’e ba Amelia tanba hetan ameasa atu la pasa iha verifikasaun dadus veterana segundu rejistu 2009 nian. La’os fa’an ho folin $ 600.
“Sasan ne’e seidauk iha nia liman ne’e, meudia mos telefone la para kalan mos telefone lokraik mos nia telefone no telfone ikus liu dehan katuas Lamesak lori ha’u nia naran ba Dili ona. Ha’u ba nia uma, ami rua tur duni iha sira nia kuartu laran, nia dehan o nia tiun mak haruka telefone o, dehan nia gosta los korenti ne’e, nia mak haruka ha’u telefone” Isabel deklara, hafoin halo konfrensia Impresa iha Mata Air Suai, hodi lamenta tanba mosu esplorasaun durante vefikasaun lista veteranu rejistu 2009.
Hafoin Isabel fila ba foti Assesoria ( Korenti Mean) ne’e iha nia uma nune’e Isabel lori fali ba intrega ba Amelia iha ninia rezidensia hale’u oras tuku hitu kalan.
“Entaun ha’u fila ba uma, ha’u foti sai korenti ne’e, ha’u nia katuas oan mos haruka ha’u lori ba kalan tuku 7 nia hein ha’u iha portaun kotuk, ha’u lori ba intrega ema ida mos la iha, nia dehan sasin ne’e bosok ten.” Tenik Isabel.
Iha Sorin Amelia do Carmo konsidera ne’e lalos tanba nia parte sosa korenti mean ne’e husi Isabel de Araujo ho folin dolar amerikanu atus nen ($ 600).
“Dader san tuku sia nia lori nia korenti ne’e mai iha ha’u nia uma, nia mai kona portaun kotuk, nia mai dehan nia osan la iha, nia mai fa’an $ 600, labarik na’in hat ka lima saksi, tan ami tur boi (hamos) fos hela iha portaun kotuk. Ho tan nia kadeli ne’e halo $ 200 komu nia gosta ha’u nia brinkus naruk ida, ha’u fo brinkus ida ho osan $ 100, hamutuk lolos osan $ 700 ho brinkus ida. Nia dehan ha’u telefone bosok ha’u nunka telefone nia. Nia na’in mak dadersan ne’e nia na’in rasik mak hodi mai. Ema hotu iha k’nua laran ne’e mos hare nia lori buat ne’e mai” Amelia do Carmo, deklara.
Tanba ne’e, Amelia do Carmo sei levanta kazu ne’e hodi prosesa tuir dalan legal, tanba konsidera hamonu nia diknidade iha publiku nia matan.
Isu Esplorasaun ba veteranu no kombatete sira iha Covalima durante verifikasaun dadus veteran no kobantente segundu rejistu 2009 sai polemika iha sosiedade nia let liu liu iha munisipiu Covalima.
Entretantu ba kontribuisaun no partisipasaun durante luta ba independensia, Isabel de Araujo kondigu Ran Fakar hetan Pensaun Subtansia-Inkapasidade ho grau 3, wainhira CCLN publika lista editail veteranu segundu rejistu 2009.
Jornalista : Alfredo Barreto
Editor : Chamot Nahac
