.png)
Covalima(RCCT) 18-10-23–Hernani de Fatima Pereirra Moris iha Suku Suai Loro, iha loron 12 fulan Marsu 1982 hanesan foinsa’e ida hamrik metin no fiar kandidatu xefe suku iha suai loro ba periode 2023-2030.
Ba nia kandidatu Hernani difini ninia programa 7 inklui atu kontinua implementa programa husi xefe suku atual nian wainhira eleitu nudar xefe suku iha loron votasaun 28 de outubru tinan ne’e.
“Nudar ema Suai Loro oan iha direitu atu kompete ba iha eleisaun suku ida ne’e, hanesan ema Suai Loro hadomi ha’u nia rain, objetivu kandidata tanba atu hadi’a ha’u nia rain, wainhira eleitu ita sei hatutan programa xefe suku atual nian karik ita eleitu, ha’u nia programa 7 ne’ebé mensiona ida ne’ebé haree liliu iha suku Suai-Loro sei tau prioridade maka’as ba iha semiteriu, bee moos, eletrisidade, setor agrikultura no seluk” informa kandidatu Xefe Suku Suai Loro, Hernani de Fatima Pereirra.
Hernani haktuir husi programa 7 ne’ebé defini ona iha progama importante ida mak atu dezenvolve setor turismu, edukasaun, saude, harii koperativa, halibur juventude feto no mane, halibur arte amarsiais no arte ritual hotu hodi kria unidade, dame, programa importante ida seluk sei tau prioridade konaba baliza entre Suku Suai Loro ho suku vizinu sira.
“Hanesan ohin ha’u mensiona katak ha’u mai ho programa 7 iha ida ha’u nia observa direita ba iha parte tasi ibun loloos ida ne’e sai setor turismu ba Suku Suai Loro hanesan mos hetan rendimentu boot ida ba Munisipiu Covalima fatin ida ne’eba, hanesan mos ohin ha’u koalia katak ita nia ukun sira ne’ebé ukun daudauk ne’e la halo sira konsege halo buat balu maibe seidauk hanoin to’o atu halo kompleta liu, karik povu fo fiar ita sei dezenvolve komerka antigu sai istoria diak ida” nia dehan.
Entertantu Hernani de Fatima Pereirra prepara atu kandidata ba xefe suku suai loro hahu ho nia peskija iha tinan 2019 hafoin difini ninia programa 7 ba kandidatu nebe sei implmenta wainhira eleitu nudar xefe suai loro ba peridu 2023-2030.
