Covalima (RCCT)- 16-04-21 Quinta Feira ne’e Diretur Serbisu Saude Municipio Covalima, Filipe Pereira Lemos iha  intervista hateten, atividade halo lansametu vasinasaun astrazaneka iha Covalima Halo uluk ba Pesoal Linha Frente sira nune’e Profesional Saude sei tun direita ba iha kada Instituisaun hotu hodi halo vasinasaun tanba Instituisaun sira maka sai hanesan alvo primeiru fase ba vasinasaun dahuluk iha Covalima.

“ohin Iha fatin ida ne’e ita halo Lansamento ba vasinasaun, iha Municipio Covalima ita implementa ona halo vasinasaun, depois de ida ne’e Profisional Saude sira sei halo Vasinasaun ba Instituisaun sira, sira ne’e mak sai hanesan alvo ba primeira faze ba vasinasaun Astrazeneka” Esplika Filipe ba Jornalista iha Lansamentu Vasinasaun nebe realiza iha salaun Administrasaun Covalima.

Diretur ne’e informa, lansametu vasinasaun ne’e, hahu ho  Administrador Municipio Covalima, maka sai hanesan ema primeiro, no komandante PNTL Covaima no Pesoal lina frente sira hotu iha Covalima mak simu vasinasaun iha lansamentu ne’e.

“ Iha Lansamentu ohin Administrador Municipio Covalima hanesan ema primeiro, depois parte husi Seguransa no Diretor sira, no sira ema na’in 14 mak halo vasinasaun la iha ema ruma mak hetan reasaun husi vaksinasaun ne’e” Filipe hakotu.

Jornalista : Aje Ferreira & Lito de Jesus

Editor      : Chamot Nahac