Covalima (RCCT) 21-12-24 Eskola Sekundario Tékniku Vokasional Cristal Suai (ESTVCS) realiza gradua ba Estudante Finalista tinan 2024 ba Programa Software no Hardware hamutuk ema na’in 50.
Estudante Arsenio de Araújo rekuñese liu husi esforsu lubuk ida ne’ebé kontribui husi manorin na’in mak fo susesu ba sira hodi bele akaba ona sira nia estudu iha nivel sekundaria.
“Ami hato’o agradese ba ami nia Diretór no professor sira hotu tanba sira nia esforsu hotu mak ohin loron ida ne’e ami husi Eskola Sekundria Cristal Suai 100%, tamba Edukasaun hanesan pilar importante iha Nasaun Timor Leste tanba estadu fo atensaun masimu ba iha Nivel Edukasaun hotu hotu tantu husi Eskola Primaria to’o Nivel Superior hodi produs ema matenek atu Servi no Desenvolve Nasaun ida ne’e ba oin” Reprezentante Estudante Finalista Criatal Suai Arseio de Araújo dehan.
Reprezentante Fundasaun Cristal, Rafael Savio fo hanoin nafatin ba Graduandu ho Graduanda sira atu sai ema ne’ebé inovativu no kreativu hodi pronto hasoru mundu ne’ebé tama ona ba era teknologia no modernu.
“hanoin nafatin katak abilidade ne’ebé mak ita bo’ot sira hetan ne’e hanesan pasu dahuluk ba iha mundu teknilogia no atu kontinua evaluasaun no atu sai relevante nafatin iha ita bo’ot sira no ita tenki kontinua aprende no adapta no mudansa la iha lilitasaun ba aprendijazen no hanesan graduandu ho graduanda sira ne’ebé mak hetan informasaun servisu hamutuk konaba mundu teknoligia ne’ebé maka agora dadauk ita hasoru tanba ita bo’ot sira atu sai ema ne’ebé inovativu kreativu no sempre prontu atu hasoru teknologia ne’ebé maka modernu” Reprezentante Fundasaun, Cristal Rafael Savio fo hanoin.
Entretantu total estudante finalista iha Eskola Sekundari Tékniku vokasional Cristal Suai hamutuk na’in 50, husi numeru ne’e estudante na’in 11 maka hetan valor di’ak liu. Partisipa iha serimonia graduasaun ne’e mai husi Prezidente Autoridade Munisipiu Covalima, Autoridade Lokal sira no mos Professor no Profesora sira inklui mos husi Inan Aman estudante Finalista sira hotu.
Jornalista : Alfredo Barreto
Editor : Chamot Nahac
