Covalima (RCCT) 20-02-21- Eskola Sekundaria Jeral Publiku (ESGP) Suai hahu Suspende Aktividade eskolar ba estudante sira hahu husi Sabado 20-02-21 to’o 4 de Marsu 2021 liga ho serka sanitaria nebe aplika ba Municipio rua (Covalima ho Bobonaro) hafoin simu Karta Sikular husi Administrador Municipio Covalima ho No 01/AM.Covalima/II/2021 kona Impoen Serka Sanitaria iha Covalima.
Ba Radio Cova Taroman Via Telefone Diretur ESGP-Suai Francelino Freitas informa, ESGP-Suai foin simu karta sirkulasaun husi Administrador Municipio Covalima (No 01/AM.Covalima/II/2021 kona Impoen Serka Sanitaria iha Covalima,) husi Responsavel Edukasuan Municipio Covalima iha dia 19 kalan iha oras tuku 8:44 liu husi What kona ba suspende provizorio prosesu aprendijajen iha eskola hotu hotu iha Covalima.
“Eskola Foin SImu karta sirkulasaun husi Edukasaun Covalima iha dia 19 kalan iha oras tuku walu liu menutu hat nulu resin hat, kalan, tanba ne’e mak eskola foin fo sain avizu ba estudantes sira hodi hakmatek iha uma hahu iha dia 20 de febreiru to’o dia 3 de marsu no hahu fali tama eskola iha dia 4 de marsu 2021” Dehan Diretur Francelino ba RCCT via Telefone Sabado (20-02-21).
Diretur ne’e mos dehan hafoin simu Karta Sikular husi Administrador Municipio Covalima ho No 01/AM.Covalima/II/2021 kona Impoen Serka Sanitaria iha Covalima. nebe pasa husi responsavel edukasaun Municipio Covalima, nia aviza kedas ba estudante sira atraves de media social liu husi pagina ofisial facebook ESGP nian no via whatApp grupo eskola nian hodi fo hatene ba estudante hotu atu la mai eskola hahu dia 20-02-21 to’o dia 03-03-21.
“depois Simu karta sirkulasaun husi Administrasaun Municipio Covalima ne’e responsavel Edukasaun Municipio COvalima Haruka mai ha’u, iha kalan ne’e (dia 19) kedas, hau aviza kedas ba profesores no Esutudante sira liu Grup eskola nian hodi fo hatene ba sira atu la mai eskola hahu dia 20 de febreiru to’o dia 3 de marsu, tanba ESGP sei hahu fali Prosesu Prendizajen iha dia 4 de marsu 2021” tenik Diretur Francelino Freitas
Jornalista : Saturnino Soares/Aje fereira
Editor : Chamot Nahac
#Hamutuk_Ita_Luta_Kontra_COVID-19:
#Uja_Maskara
#Fase_Liman_Beibeik_Ho_Sabaun
#Halo_Distansia_Fisiku
