Covalima (RCCT) – 17-03-21 Ekípa EKSES-COVID20 kontinua halo distribuisaun Fos Sakas 474 ba Posto rua ne’ebe nebe lokaliza iha Fronteira, maka hanesan Posto Administrativo Fatululik Suco Taroman Aldeia 2 Lia Nain no Taroman, Suku Fatululik iha Aldeia Aitoun, Beidasi no Aldeia Beko, iha Posto Administrativu Maukatar iha Suku Holpilat Aldeia Hatu no Lela.
Kordenador EKSES-COVID20 Filial Covalima Martinho Gusmão Alves ba Jornalísta sira haktuir, Fos ne’ebe atu distribui ba uma kain iha Aldeia sira ne’ebe besik iha Linha Fronteira iha Posto Fatulullik no Maukatar ne’e hetan Apoio husi Governu, nebe EKSES-COVID20 atu distribui ba Postu Administrativu 2 Fatululik ho Maukatar nebe refere liu ba Suco no Aldeia sira nebe mak besik liu iha area Fronteira.
“ Fos ne’ebe maka atu distribui ba ita nia maluk sira ne’ebe iha Posto Fatululik no Maukatar ne’e, Fos hirak ne’e husi Governo, tamba depois sira ne’e hela besik Linha Fronteira, tanba ne’e maka ba Posto Fatululik iha Suku 2 nia laran ho total Fos Sakas 359 no ba Aldeia rua iha Posto Maukatar total Fos 115 ” Dehan Kordenador EKSES-COVID20 Filial Covalima Martinho Gusmão Alves.
Martinho informa, Fos nebe Governu fo mai Covalima hamotuk sakas 1000 atu hodi apoio ba komunidade Covalima durante Serka Sanitaria.
“ Foin lalais ita hatun Fos Sakas 1000, tan ne’e ita distribui ona fos hamotuk Sakas 200 resin ba Posto Tilomar, no agora ita fahe tan ba komunidade Sira iha Postu 2 , Posto Fatululik no Maukatar hamutuk sakas 474, entaun Fos ne’ebe maka agora dadaun iha armazem ne’e hela deit 200 resin ” Katak Martinho.
Entertanto Fos hirak ne’e sei distribui hodi atende komunidade sira ne’ebe maka iha area afetado nomos iha Aldeia ne’ebe besik liu Fronteira, tamba ne’e komunidade sira iha Posto no Aldeia sira seluk iha Covalima sei hein distribuisaun iha etapa tuir mai.
Jornalísta : Tynho Gusmão
Editór : Chamot Nahac
