Covalima (RCCT) 12-07-24-Eskola Filial Foho Bua, Eskola EBC Tradukama, EBF Mahein, EBF Makokon Kontribui kadeira no meza ba Eskola Bazika Central (EBC) Salele no Eskola Bazika Filial (EBF) Salele iklui Eskola Sekundaria Jeral Publiku Suai Klase Paralela Salele hamutuk kadeira unidade 206 no meza iha 49.
Inspetor Eskolar Postu Tilomar, Juvito Correia Lino, hateten atividade ne’e realiza tanba Servisu Edukasaun Munisipiu Covalima iha koperasaun di’ak ho eskola sira iha Fatumea no Tilomar hodi idetifika kadeira no meja sira ne’ebé la utiliza ona atu bele atribui fali ba eskola seluk ne’ebe sei persija fasilidade hanesan meja no kadeira.
“Aktividade ne’ebé ohin loron diresaun Eduksaun Munisipiu servisu hamutuk ho eskola sira liu liu Eskola EBC Fohobua, EBC Tradukama no mos EBC Salele ne’ebé mak ita servisu hamutuk hodi identifika kadeira no meja sira ne’ebé mak restu iha eskola husi ami nia rezultadu servisu ne’e ha’u ho Inspetur area kontrolu Fatumea ninian ami identifika iha EBC Fohobua kadeira resin unidade 31, iha EBC tradukama kadeira ho tipu ai ne’ebé mak kadeira ho nia liman ne’ebé mak uluk halo husi Kompaiña Bonansa depois de Guvernu trtoka ho kadeira tipu GPM entaun kadeira ai sira ne’e sira aruma iha armazen katak la uza iha ‘e total 116 enkuantu meza ne’ebé mak restu iha EBC Tradukama GPM ne’e meja ho kadeira iha 18, iha EBF 1,2 Mahein ne’e filial husi Tradukama kadeira foun ne’ebé foin lalais tun ho prozeitu PKRIE ne restu iha 10 kadeira GPM ne’e iha 16 depois meza iha 6 restu husi ne’e iha EBF Makokon kadeira GPM ho kadeira pakote hamutuk 15” dehan Inspetor Juvito Correia Lino.
Diretór Eskola EBC Salele Fransisco da Silva, relata hetan tan ona kadeira no meja hamotuk 106 maibe seidauk responde ba ho kuantidade estudante ne’ebe iha.
“Meza kadeira ne’ebé mak ohin hatun ne’e ho nia total 106, ne’ebé 106 iha meja ai ho liman hamutuk 70 resin ne at 18 di’ak 54 ita presiza tan meza ho kadeira ne’e tuir kuantidade alunus tanba ohin sira fo kadeira ho meza mai ne’e 106 deit ami nia total alunus liu husi 106 ne’e” Diretór Eskola EBC salele hateten.
Entretantu Profesores iha eskola EBC Salele hamotuk 17 no estudante hamutuk 425 kompostu husi feto 203 no mane 222 EBC.
Jornalista: Moichung
Editor : Chamot Nahac
