Covalima (RCCT) 27-12-24-Autoridade Munisipiu Covalima liu husi Servisu Munisipal Asaun Sosial (SMAS) Munisipiu Covalima durante tinan ida hahu husi Janeiru to’o Dezembru 2024 sosa kaisaun hamutuk unidade 361, ho montante osan dolar emerikanu rihun hat nulu resin tolu, atus tolu hitu nulu resin lima ($ 43, 375.00).
Nune’e Diretór Servisu Munisipal Asaun Sosial (SMAS) Munisipiu Covalima, Clementino Bere relata orsamentu anual ne’ebé aloka ba SMAS Munisipiu Covalima ba tinan 2024 hamotuk dolar Amerikanu rihun lima nulu resin sia($ 59,000.00) no kesi iha aprozionamentu dolar amerikanu rihun lima nulu ($ 50,000.00) ne’ebé utiliza ona dolar amerikanu rihun hat nulu resin tolu, atus tolu hitu nulu resin lima ($ 43, 375.00) hodi sosa kaisaun nune’e asegura saldo hamotuk dolar amerikanu rihun nen, atus nen rua nulu resin lima ($6,625.00).
“Servisu Munisipal Asaun Sosial apoiu kaisaun hahu husi fulan Janeiru to’o Dezembru 2024 nian gastu osan ho montante $ 43, 375.00, husi osan $ 43, 375.00 ne’e husi osan ho montante $ 50,000.00 ne’ebé kesi ona iha aprozionamentu maibe total orsamentu hotu mai iha asaun sosial iha tinan ida nia laran ho montante osan $ 59,000.00” Diretór Servisu Munisipal Asaun Sosial (SMAS) Munisipiu Covalima, Clementino Bere, infoma ba jornalista sira iha Administrasaun Munispiu Covalima.
Nia haktuir alende apoiu kaisaun ba komunidade familia matebean iha postu administrative hitu, SMAS mos Apoiu Karu Funerariu hodi fasilita transporta isin mate husi uma ba semiteriu ne’ebé iha distansia dok husi hela fatin.
“Ami apoiu ne’e ba postu hotu, no konaba Karu funerariu ami apoiu deit tula mate husi ospital ba uma, tula mate husi uma ba rate bainhira atu hakoi dok, depois ami mos simu isin mate ka ruin husi Indonezia tama mai area juridiku Covalima inklui lori ba to’o iha munisipiu sira seluk, ne’e ba simu iha fronteira Postu integradu Salele” nia dehan.
Entertantu medida kaisaun ne’ebe SMAS apoiu maka; ba ema ki’ik 60-80 Cm kada kaisaun ida sosa ho montante osan dolar amerikanu nen nulu ($ 60,00), kaisaun naton nia medida 95-130 Cm sosa ho osan montante dolar amrikanu sia nulu resin lima ($ 95,00) no kaisaun bo’ot ho medida 120-200 Cm kada kaisaun ida ho montante osan dolar amerikanu atus ida hitu nulu ($ 170,00), tanba ne’e total gastu hahu Quarter 1 to’o Quarter 4 iha montante osan hamutuk $ 43,375.00, husi tolal fundus hamutuk $ 50,000.00, no saldo agora sei iha $ 6,625.00.
Jornalista : Julio Salinas
Editor : Chamot Nahac
