Covalima (RCCT) 31-05-23-Covalima (RCCT) 31-05-23-Komandante Polisia Nasional Timor-Leste (PNTL) Munisípiu Covalima Superintendente Polisia Basilio de Jesus, hateten relasiona ho akontesimentu ida ne’ebe diskonfia ema Indonezia Lori kilat manu tiru komunidade ida iha lina fronteira Postu Administrativu Fatumea ne’e laos foin maka akontese maibe ho ida ne’e tama ona ba segundu ves iha Fatumea, Munisípiu Covalima.
“Sim horseik Tersa (30/06) akontesementu iha Fatumea ita nia katuas ida iha oras tuku 7 dadersan sai husi ba haree nia karau partebalas ne’eba, nia mos laiha sentidu ida tanba nia iha ita nia teritoria Timor-Leste ba haree nia karau derepente deit ema na’in hira deskonfia ema husi Indonezia Lori kilat manu tiru tiha nia hodi rezulta kelen kanek no hia halai fila mai entrega an ba polisia depois horseik imediatu ita lori nia ba hospital hodi hetan tratamentu” informa Komandante Polisia Nasional Timor-Leste (PNTL) Munisípiu Covalima Superintendente Polisia Basilio de Jesus, ba jornalista sira iha Suku Tashilin Kuarta (31/05).
Komandante afirma ema sira ne’ebe lori kilat manu tiru kanek komunidade nia ain ne’e diskonfia ena Indonezia no sira halai hotu, ne’ebe hanoin buat ida ne’e laos akontese primeiru ves mais ida mosu segundu ves iha tinan tolu liu ba mos akontese iha Fatumea ho motivu ne’ebe haneaan ho kilat manu tiru komunidade mas altura ne’eba laiha kanek maibe ida horseik ne’e kanek iha nia kelen.
“Ita hanoin katak ida laos sidadaun iha ita nian rain, tanba ne’e hau mos sujere ba orgaun kompotente liliu ba iha Ministeriu Interior bele kordena mos embaixada Indonezia nian iha Timor-Leste Pata bele eduka ninia populasaun sira hela iha lina fronteira, purque bainhira sira lori buat kroat sa tan nia tama to’o iha ita nia teritoriu dwpois lori kila manu tiru tan ita nia ema kelen kanek duni, ne’e signifika nia halo krime ita ita nia area juridiku TL mas komu ita la kaer ema ne’e halai fila Indonezia” informa komandante Basilio.
Basilio afirma hanesan komandante PNTL Munisipiu Covalima Ko’alia kona-ba lina fronteira destaka ona every polisia Unidade Patrilhamentu Fronteira (UPF) iha lina fronteira hahu husi Tilomar, Fatumea, Fohorem, mai Fatululik, Altu Lebos no Maukatar ne’e area juridiku Covalima nian.
Agora polisia fronteira iha ne’eba so que distansia entre postu ida ba postu ida distansia dook kada ves balu iha 20 kilo metru, balu 15 kilo Metru no balu mos to’o 30 kilo metru tanba distansia ida ne’ebe fo vantazen tebes ba ema Indonezia bele ultrapasa mai tama to’o area juridiku teritoriu Timor-Leste.
Komando PNTL Munisípiu Covalima nia haree liu ba iha eskuadra maibe la taka dalan katak fo mos apoiu, iha Fatumea, Tilomar, Fohorem ne’e iha eskuadra, iha eskuadra Dato Rua fo ona apoiu ba polisia UPF oinsa maka bele halo mos Patrilhamentu ida iha lina fronteira.
“Maibe ita hotu hatene liliu lina fronteira asesu ba estrada mos kada ves dooknhusi lina fronteira ne’ebe situasi ida hau hanesan komandante munisipiu nafatin ho meus ne’ebe iha nafatin ho ita nia rekursu iha ita nia eskuadra Fatumea tantu iha Fohorem oinsa maka sira bele book an nafatin fo apoiu ba fronteira hodi bele minimiza ou halo kontrolu ba ema ne’ebe hala’o atividade ilegal tama no sai” nia esplika.
Komandante sublina iha eskuadra Fatumea iha membru na’in-7, Fohorem membru na’in-8, maibe iha fali Fatululik ida deit membru na’in-6 maibe ida ne’e nudar komandante munisipiu aperta ba sira, obriga sira atu bele fo apoiu ba UPF hodi bele halo movimentu iha lina fronteira ho nune’e bele halo ona prevensaun no labele fo espasu ilegal sira husi Indonezia tama mai teritoriu Timor-Leste.
Komandante dehan atu koalia numeru rekursu atu sufaiente no la sufsiente habesan komandante katak numeru rekursu sira ne’e bele dehan la sufsiente, maibe atu dehan saida hanesan komandante hakarak ka lakohi uza duni rekursu ne’ebe maka ejiste pata nune’e volume serbisu tenke aumenta.
Enkuantu numeru rekirsu ne’e ki’ik tenke aumenta numeru volume serbisu, obriga sira tenke serbisu duni tanba numeru ne’e ki’ik ne’e maka komando halo.(Js)
