Covalima-RCCT- Ema nebe moris ho kodisaun difisiensia sira iha direitu nebe hanesan ho ema sira seluk nebe moris ho kondisuan Normal, hodi asesu ba Edukasaun, Saude no seluk tan, afirmasaun ne’e hato’o husi Diretur Servisu Solidaridade Sosial Municipio Covalima Agapito Axis Cardoso ba Jornalista RCCT depois remata aktividade talkshow radio kona ba atementu ba ema difisiente durante situasaun Coivd-19 ne’e, iha Studio Radio Cova Taroman Tersa Feira (20-10-20).
Diretur Servisu Solidaridade Sosial no Inkluzaun iha Municipio Covalima ne’e mos dehan Ministerio Solidaridade Sosial no Inkluzaun, hanesan oragaun ida nebe iha responsavelidade atu asegura no tau iha planu no asaun hodi toma responsavelidade maximu ba ema nebe moris kondisaun difiseinsia.
Diretur Agapito hatutan Servisu Solidaridade Sosial no inkluzaun Municipio Covalima tau mos iha planu perioridade ba intervensaun ba ema ho difisiensia sira nian volnurabelidade no asesibilidade, nune’e sira mos bele asesu ba dezenvolvementu sira hotu. Dehan Director Agapito Axis Cardoso, Tersa Teira 20-10-20, hafoin remata talkshow iha Studio RCCT.
“Programa preioridade rua mak sai hanesan asaun ida halo intervensaun ba maluk difisensia sira iha Municipio Covalima, primeiriu iha situasaun ida ne’e persiza halo asaun no intervensaun liga ho kanpanha prevensaun ba ita nia maluk difisensia, segundu mak ita mos tau prioridade hamotuk ho linha ministeriais sira hodi hare ba asuntu asesibilidade ba ema ho difisiensia sira nune’e sir abele asesu ba dezenvolvementu hotu-hotu.”dehan Diretur Servisu Solidaridede Sosial Covalima Agapito Axis Cardoso.
Diretur Agapito mos dehan Vonurabelidade ba ema difisiensia sira nian ne’e iha ligasaun mos ho Sesesibilidade, tan ne’e atu verifika volnurabelidade ne’e persija iha servisu hamotuk ho Parseiru sira nebe iha relevante ba asuntu refere.
“ Ita ko’alia kona ba maluk difiensia sira, ita ko’alia mos sira ninia volnurablidade, oinsa ita atu verifika nivel volnuravel ne’e ita mos persija servisu hamotuk ho parte relevante sira hotu, atu nune’e ministerio ida ida bele toma responsavelidade iha ninia area dezelvolvementu ba maluk difisiensia sira liga ba situasaun sira nebe maluk sira ne’e infrenta.”Tenik Diretur Servisu Solidaridade Sosial Municipio Covalima.
Relasiona ba asuntu ema difiensia sira iha area rural nebe ladun hetan atenmentu Social husi Ministerio Solidaridade Sosial no Inklusaun (MSSI), Diretur Servisu Sosial Covalima konsidera ida ne’e hanesan Preokupasaun governu ida ne’e ninia liu husi MSSI Covalima, hodi bele buka Solusaun nune’e bele halo atendementu ba ema difisiensia sira nebe hela iha area rural.
Jornalista: Jose Fereira
Editor : Chamot Nahac
