Covalima (RCCT) 05-12-24- Cruz Vermella Timor-Leste (CVTL) Filial Covalima Selebra Loron Internasional Voluntáriu ho Tema Proteze Humanidade.
Iha Selebrasaun ne’e Kordenador Cruz Vermella Timor-Leste (CVTL) Filial Covalima, Simplicio Pereira, husu ba Autoridade no Inan aman sira atu husik sira nia oan mai aprende hamutuk iha CVTL Filial Covlima hodi fo tulun familia sira ne’ebé hetan Dezastre naturais iha Covalima.
“Hakarak hato’o ha’u nia rekomendasaun ba Autoridade Munisipiu no Autoridade Lokal Sira hotu ba inan aman komunidade tomak katak husu atu bele husik oan sira feto ka mane mai Voluntariu iha CVTL hodi nune’e sira bele aprende iha buat barak servisu umanitarian nian iha ne’e no ita nia objetivu lolos mak atu bele ajuda ba sira ne’ebé mak presija lolos, iha situasaun dezastre ruman hodi ne’e hamutuk ita bele ajuda ita nia komunidade iha Covalima” Cordenador Cruz Vermelha de Timor-Leste (CVTL) Filial Covalima, Simplisiu Preira, rekomenda
Voluntariu iha Cruz Vermela Timor-Leste Filial Covalima, Angelita Ramos, Orgullu wainhira haknar an iha Cruz Vermella, basa nia bele hetan esperiensia barak, liuliu servisu voluntariu ajuda inan, aman sira ne’ebé iha situasaun emejensia, dezastre naturais.
“Ha’u nia Voluntariu iha CVTL filial Covalima bele motiva ami joventude sira aprende buat barak, atria ami ba espritu Voluntarismu ne’ebé mak ami iha hodi ajuda fila fali ba ami nia maluk ka komunidade sira ne’ebé mak hetan inundasaun ruman ka Dezastre” Voluntariu iha Cruz Vermella Timor-Leste filial Covalima, Angelita Ramos, hateten.
Entretantu Selebrasaun loron Voluntariu Internasional ne’e hala’o iha Salaun CVTL Filial Covalima, Partisipasaun husi Autoridade Protesaun Sivil Covalima, Servisu Munisipal Dezastre Naturais, Servisu Munisipal Saude, Bombeiro Covalima, Centru Comunidade Covalima, Agensia WFP, ONG Internasional World Vision Membru no Board inklui Staf no Voluntariu CVTL Covalima, Estudante husi eskola Cafe no ESTV Cristal.
Jornalista :Moichung
Editor : Chamot Nahac
