Covalima (RCCT) 26-12-24- Munisipiu Covalima ezekuta ona osan dolar amerikanu millaun nen resin husi Orsamentu Jeral Estudu (OJE) 2024 ne’ebé Governu Aloka mai Munisipiu Covalima liu husi OJE hamotuk Millaun millaun hitu, rihun atus rua lima nulu resin nen, atus nen lima nulu resin ($ 7,256,651.00) ne’ebé aloka ba kategoria lima mak hanesan; salariu vensimentu, bens servisu correntes transferensia publika, capital menor no kapital dezenvolvimentu.
Nune’e Sekretariu Munisipal Administrasaun no Finansas Munisipiu Covalima, Alberto Moniz de Araújo, relata ba jornalista sira dehan, dadaun ne’e Munisipiu Covalima sei iha saldo hamotuk dorar amerikanu millaun ida, rihun atus ida sia nulu resin ualu, atus ualu nen nulu resin tolu, sentavus nen nulu resin ida ($ 1,198,863,61) maibe nia dehan ezekusaun sei kontinua la’o.
“Ita nia budget ba orsamentu jeral estadu 2024 nian ne’ebé kolokal mai iha Covalima ho montante millaun $ 7,256,651,00, nia komprimisiu iha $ 43,248.06, ninia obilikasaun ho montante $ 513,045.33, nia real ezekusaun ho montante $ 5,501,488.00 no ninia saldo sei hela $ 1,198,863.61, husi orsamentu ho montante millaun $ 7.256.651.00 ne’e fahe ba kategoria lima hanesan salariu vensimentu ba munisipiu Covalima ho montante millaun $ 2, 336,743.00, bens servisu correntes ho montante $ 846, 885.00, ba transferensia publika ho montante millaun $ 2,566,011.00, ba kapital menor ho montante $ 166,820.00, no ba iha kapital dezenvolvimentu total orsamentu ho montante millaun $ 1,350,192.00” informa Sekretariu Munisipal Administrasaun Finansas Munisipiu Covalima,, Alberto Moniz de Araújo.
Nia Afirma husi montante osan $ 7,256,651.00 ne’e alokasaun bo’ot liu ba Salariu Vensimentu, Transferensia Publiku no kapital dezenvolvimentu.
“Orsamentu ne’ebé ita gastu bo’ot liu ba iha salariu vensimentu, tuir transferensia publika no ida seluk maka kapital dezenvolvimentu ne’ebé ha’u temi ona, ba iha transferensia publika ho montante orsamentu millaun $ 2,566,011,00, ba salariu bensimentu ho montante millaun $ 2, 336,743.00, no kapital dezenvolvimentu hamutuk millaun $ 1,350,192.00, tanba ne’e texa ezekusaun neste momentu ba Munisipiu Covalima atinje ona pursentu 88,9 husi total orsamentu $ 7,256,651.00” nia dehan.
Antes ne’e portal transferensia publiku fo sai katak ezekusaun Orsamentu Jeral Estadu 2024 nian ba Munisipiu Covalima hamrik iha liña ikus liu kompara ho munisipiu sira seluk, maibe oras ne’e daudaun Covalima ninia taxa ezekusaun sa’e ona ba iha pursentu 88,9 hodi hakat liu ona munisipiu balu, basa daudaun faze ezekusaun sei kontinua la’o tanba ne’e iha esperasa bo’ot molok to’o loron 31 fulan Dezembru 2024 Covalima ninia pursentu ezekusaun sei sae tan.
Jornalista : Julio Salinas
Editor : Chamot Nahac
