Covalima-RCCT-Ema na’in 14 mak hatama dokumetus atu hodi Kompete ba konkursu publiku ba kargo Administrador Municipio Covalima, lia ne’e hato’o husi Aktual Administrador Municipio Covalima Afonso Nuguera Nahak ba RCCCT iha nia Knar fatin Tersa Feira (29-09-20), Aktual Administrador Afonsu dehan anunsio ba vaga ba Kargo Administrador Municipio foun ne’e taka/remata ona iha 28-09-20, tuir afirmasau husi Admnistrador Afonsu husi kanditura nain 14 ne’e iklui mos feto nain 1 mak compete mos ba kargo Administrador foun ne’e.
“Anunsio ba karta konkorensia ba vaga Administrador nian taka tia ona iha loron 28 de setembro, iha ema buluk bo’ot ida maka hatama sira nia dokumentus ita konvida feto sira maibe, feto sira la partisipa maximu, tuir informasaun nebe mak ha’u rona, iha Feto nain 1 mak konsege hatama ninia dokumentus hodi ba konkore ba vaga ida ne’e.”Dehan Afonso Nuguera Nahak ba RCCT tersa feira (30-09-20).
Administrador Afonsu funadamenta durante ne’e nia rasik mos fo sain ba publiku liu husi media sosial nune’e intelektual Covalima oan sira bele hatene hodi hatama sira nia dokumentus ba vaga refere.
Tanba Administarador Afonsu konsidera media sosial mos hanesan meiu ida nebe diak atu hodi pomove informasaun nune bele fo hatene feto Potensial sira husi Municipio Covalima atu hatama mos sira nia dokumentus hodi kompete ho mane sira.
“Grasa Deus sei iha inan feton na’in 1 mak parisipa hodi Kompete ho Mane nain 13 iha konkursu Publiku ba Vaga Administrador Municipio Foun ne’e”.
Afonsu mos dehan proseu ba vaga ne’e agora sei halo sub-misaun dokumentus depois sei kontinua halo avaliasaun hodi hare dokumentus sira ne’e.
“depois de halo hotu seleksaun dokumentus mak sei fo sai avizu kona ba se deit mak liu iha konkursu eskrita, maibe ida ne’e sei hala’o iha Ministerio Administrasaun Estatal(MAE)” Tenik Afonso Nuguera Nahak.
Aktual Administrador Covalima Afonsu Nuguera Nahak mos husu ba populasaun hotu iha Covalima atu fo apoio maximu ba Administrador foun, wainhira MAE fo sain rezultadu husi konkorensia ne’e.
“Rezultadu ba vaga administrador foun ne’e sei anunsia iha fulan rua oin mai, tan ne’e ema nebe sai primeiru lugar iha konkorensia publiku ne’e mak sei sai Administrador Covalima Foun. Tan ne’e husu ba hotu hotu atu fo apoio maximu administrador foun nune’e nia bele servisu ho di’ak, kontinua ho buat ne’ebe diak durante ne’e ita hotu hala’o hamutuk no sei kontinua hadi’a buat ida ne’ebe la di’ak no mos halo tan buat foun iha Municipio Covalima.” Afonso afirma.
Jornalista : Asatu Soares Bergal
Edito :Chamot Nahac
