Covalima RCCT-Postu Admnistrativu 5 iha Municipio Covalima kada tinan sempre infrenta Inundasaun ho hamosu vitima ba Komunidade sira iha wainhira tempo udan. Tipo dezastre nebe sempre mosu maka , Anin Bot Sobu uma, Rai halai, no Inundasaun.
Coordenador Programa Redusaun Desastre Naturais iha Centru Comunidade Covalima (CCC) Januario de Fatima Afirma Postu Postu Administrativu Zumalai, Suai, Fohorem, Fatumea, Fatululk, no Maucatar, maka kada tinan ninia komunidade sempre infrenta dezastre naturais.
“No tipo dezastre nebe sempre akontese kada tinan mak Anin Sobu Uma, Rai Halai, no Numeru a’as ba inundasaun mak postu administativu 2 (Zumalai no Suai).”Dehan Januario de Fatima wainhira halo engkotru ho parseiru sira iha CCC hodi koalia kona ba Teknika Prevensaun no Mitigasaun Dezastre Naturais iha salaun CCC Sexta feira (11/09).
iha fatin hanesan Coordenador Programa Redusaun Desastre Naturais Centru comunidade Covalima (CCC) encontru ida ne’e foca liu ba Comunidade sira ne’ebe mak hela iha area rural,tanba sira la hatene oinsa mak dezastre rai halai no anin bo’ot atu mosu mai,E oinsa mak atu hases a’an husi dezastre no inundasaun
Coodenador Programa ne’e mos dehan Engkontru ne’e foka liu atu hare ba komunidade sira nebe hela iha area rural tan sira ne’e hela liu ba fatin risku dezastre sira.
Tan ne’e Januario husu ba komunidade sira nebe hela iha area rurais atu hela dok husi fatin sira nebe sai risku ba dezastre naturais.
“Hato’o ba Komunidade sira atu hadok aan no labele halo to’os muda ba mai bebeik,no labele halo uma no mos hala’o aktividades ruma iha fatin nebe tinan tinan sempre mosu dezastre naturais” Januario hakotu.
Jornalista : Janu barros
Editor : Chamot Nahac
