Covalima (RCCT) 17-12-24- Sentru Juventude Covalima (JCJ) hetan Apoiu ajensia Internasional Pawanka no AIPP hodi realiza atividade Tara Bandu iha Suku Holpilat Postu Administrativu Maukatar no mos halo Inaugurasaun ba regulamentu Tara Bandu hodi valoriza kultura no kontribui ba asegurasaun rekursu naturais iha Suku Laran.
Prinsipalmente CJC esforsu realiza Tara Bandu hamotuk ho Autoridade Suku, lia na’in no Komunidade sira iha Holpilat atu hamoris konsensia ba komunidade sira hodi kuidadu meiu ambiente husi risku dezastre naturais.
“Programa ida ne’e atu hamoris lisan, kultura nian hodi Pratika kuidade memiu ambiente husi risku dezastre naturais, Espera Kultura tara bandu ne’e sei fo benefisiu di’ak ba komunidade sira liu liu iha Suku Hopilat, Adeia nen, no sei fo benefisiu di’ak ba politika hodi kabe ba desentralizasaun” Reprezenta Diretór CJC, Joanico Ferreira Vicente.
Reperzenta Prezidente Autoridade Covalima, atual Diretór Servisu Munisipal Administrsaun no Rekursu Umanu, Jose Manuel Gonçalves, dehan tenki halo tuir regras sira ne’ebé Hatur ona iha regulamentu Tara Bandu ne’e tanba ida ne’e hanesan ukun kultura nian ne’ebé bei ala sira rai hela.
“Tara Bandu hanesan ukun kultura ida rai ka fatin ida ne’ebé ita hela ba, nune’e ita tenki kumpri no la’o tuir, Regras ne’ebé ita kria rasik, Kria husi Komunidade, lia na’in no uma lisan iha suku Holpilat rasik, karik komunidade balu ne’ebé kontra, ita tenki fo sansaun tanba ida ne’e lulik iha suku no rai ida ne’e” Dehan Rep. PAM Covalima, Atual Diretór Servisu Munisipal Administrasaun no Finansas, Jose Manuel Gonçalves.
Xefe Suku Holpilat, Cipriano Gusmão, informa konaba regulamentu Tara Bandu Duku Holpilat nian ne’e hanesan Dokumentu ida ne’ebé involve Ideia akomulativu husi entidade hotu hanesan Lia Na’in sira, Matenek Oan sira, Juventude, Veteranu no mos komunidade hotu, hafoin halo sosializasaun iha nivel Komunidade kada Aldeia no mos ho lia na’in sira.
“Regulamentu ka Lei Tarabandu Suku ne’e, ami sosializa ba komunidade hodi tau idaia ka hanoin hamotuk liu husi ita nia inteltuais sira, Veteranu, estudante no Juven sira, tau sira nia hanoin atu fo benefisiu, administrative ami nia rekursu naturais liu liu ba rai henek, fatuk no seluk tan iha ami nia suku” Xefe Suku Holpilat, Cipriano Gusmão, dehan.
Objetivu husi Tara Bandu ne’e atu kria realasaun di’ak entre ema ho ema, ema ho natureza no ema ho balada, hodi asegura rekursu nataruias ne’ebé partense iha suku laran no mos hamoris konsiensia komunidade atu kuidadu ambiente hosi risku dezastre naturais.
Entretantu Atividade Tara Bandu Iha Suku Holpilat ne’e Realiza tan iha koperasaun servisu entre Raebia ne’ebé hetan fundu husi Governu Timor Leste liu husi Sekretaria Estadu Floresta, Jica iha Timor Leste no mos Centru Juventude Covalima ne’ebé Hetan Fundu husi Ajensia Azia nian mak hanesan AIPP no Pawanka.
Jornalista : Moichung
Editor : Chamot Nahac
