Covalima (RCCT) 12-02-25-Iha Periode 2024 Bee Timor Leste. Empreza Publiku (BTL.EP) iha Munisipiu Covalima rekolla reseita hamotuk dolar amerikanu rihun tolu nulu resin hat, atus lima rua nulu resin ualu, sentavus rua nulu resin lima ($ 34,528.025) husi komunidade kliente konsumedor bee mos no kanalizasaun foun.
Diretór BTL.EP Munisipiu Covalima Castro Dodi Ramos Informa total kliente ne’ebé utiliza metru kontador husi BTL.EP hamotuk Rihun ida atus ida sia nulu resin nen (1.196) husi total populasaun Rihun sanulu resin atus rua nen nulu resin hitu (12.267).
“Total reseitas ita hetan iha 2024 nia laran hamutuk $ 34,528.025 ho total populasaun ne’ebé mak asesu ba bee mos iha 12.267, kliente hirak ne’e ita kobre iha area urbana laran partensia husi suku debos rasik no iha suku ogues balun no suku kamenasa balun mos ho tan iha suku suai loro. Aktividades ne’ebé durante BTL halo iha 2024 nia laran ne’e konta meter kontador ita konsege instala iha 2024 nia laran hamutuk iha unidade 450 no sei iha lubuk ida maka ita seidauk instala, maibe agora dadaun projetu ne’ebé implementa iha urbana ne’e sei kobre hotu kedan metro kontador hamutuk 1500 iha area urbana laran” Diretór BTL.EP Munisipiu Covalima Castro Dodi Ramos Informa.
Entretantu reseita ne’ebé BTL, E.P halibur husi Klinte hamotuk 1.196 ho total osan $ 34,528.025 ne’e rekolla husi Kleinte uza metru kontador no metru hamotuk $ 32,213.25, repartisaun $ 55.00, Ligasaun foun $ 2,170.00, Bee Tanki $ 90.00. Engkuantu dadaun ne’e BTL.E.P Covalima utiliza bee Matan ida hodi distribui ba populasaun hamotuk 12.267.
Jornalista : Alfredo Barreto
Editor : Chamot Nahac
